Rruga në fshatin Korie Divjakë e shkatërruar, banorët: E kanë prishur firmat...ta ndërtojnë

Kjo që shihni në këto pamje është rruga e fshatit Korie në njësinë Gradisht të Divjakës. Pamjet nuk na lënë vend për fjalë ku asfalti edhe në ato pak pjesë të saj është shkërmoqur.

Gjendja e saj përkeqësohet për çdo ditë, pasi në të kalojnë mjetet e tonazhit të rëndë të kompanisë që po ndërton kanalet e rrjetit vaditës në drejtim të Zharnecit dhe Adriatikut. Banorët shprehin shqetësimin dhe kërkojnë ndërhyrje.

"Ne e kemi bërë vetë rrugën me aq sa patëm mundësi. Erdhi firma bëri kanalin dhe prishi rrugën. Këtu nuk kalohet me motor jo me makinë. Po na çahen gomat e makinave. Shteti duhet të vërë dorë e ti kërkoje llogari firmës që të vije e të bëje rrugën. Firma erdhi rregulloi një gjë e prishi një gjë tjetër." shprehet një banorë.

"Kanë kaluar makina të tonazhit të rëndë dhe e shkatërruan rrugën. Bëmë kërkesë për ta rregulluar. Erdhën, bënë sikur e rregullunë, por asgjë.  Kush është fajtori ta rregulloje se kështu nuk bëhet." thotë një tjetër.

"Makinat e rënda e bënë rrugën copash. Nuk është rrugë kjo kështu" tha një tjetër.

Për këtë situatë ka reaguar edhe zv/kryeministri Erion Braçe,,  i cili së bashku me bashkinë i ka kërkuar prej 3 muajsh kompanisë të rregullojë rrugën e shkatërruar.

Në një postim të tij  Brace bën dy thirrje, së pari kompanisë kineze dhe çdo kontraktori shqiptare të rindërtojnë rrugët e shkatërruar të çdo fshati e rrugë parcelash në të kundërt do të kallëzohen penalisht. Së dyti i bën thirrje çdo institucioni që miraton pagesat dhe merr në dorëzim veprën sipas kontratës të mos paguajnë asnjë qindarkë nëse kompanitë nuk kanë zbatuar kontratën duke verifikuar në terren detyrimet e saj.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS