RSF: 66 gazetarë të vrarë gjatë vitit 2014
PARIS, 1 janar /ATSH-AFP/ – Të paktën 66 gazetarë u vranë në vitin 2014, dy prej të cilëve u ekzekutuan, një numër më i ulët se në vitin 2013, por rrëmbimet janë më të shumta me 119 raste, ndërkohë që 40 gazetarë mbeten ende pengje në botë, sipas një bilanci të përvitshëm të Reporterëve pa […]
/ATSH-AFP/ - Të paktën 66 gazetarë u vranë në vitin 2014, dy prej të cilëve u ekzekutuan, një numër më i ulët se në vitin 2013, por rrëmbimet janë më të shumta me 119 raste, ndërkohë që 40 gazetarë mbeten ende pengje në botë, sipas një bilanci të përvitshëm të Reporterëve pa Kufij (RSF).
"Në vitin 2013, 71 gazetarë janë vrarë dhe 87 janë rrëmbyer", sipas raportit vjetor të RSF.
Këtë vit, RSF-ja zbuloi një transformim të dhunës, me një intrumentalizim të abuzimeve gjithmonë e në rritje kundër gazetarëve.
"Rrallë, vdekja e gazetarëve do të kryhej me një shkencë kaq barbare të propagandës", theksoi organizata duke iu referuar videove të ekzekutimit të gazetarëve amerikanë, James Foley dhe Steven Sotloff.
Dy e treta e vrasjeve ka ndodhur në zonat e konfliktit, në Siri, vend që mbetet, si vitin e kaluar, më i rrezikshmi për gazetarët, me 15 të vdekur, në territoret palestineze, kryesisht në Rripin e Gazës, shtatë të vdekur, në lindje të Ukrainës, gjashtë të vdekur, në Irak, katër të vdekur, dhe në Libi, katër të vdekur.
"Autorët e këtyre krimeve kërkojnë të pengojnë informacionin e pavarur dhe shpërndarjen e vizioneve të jashtme. Intimidimet janë kaq të ndryshme sa gazetarët janë dy herë më të shumtë në numër që kanë marrë rrugën e mërgimit në raport me vitin 2013", nënvizoi RSF-ja.
Rrëmbimet, në rritje me 37 për qind, kanë qenë të shumta në Ukrainë (33), Libi (29) dhe në Siri (27), si dhe në Irak (20), për shkak të ofensivës të grupit të Shtetit Islamik dhe pasigurisë që mbretëron në Libi.
Në këtë ditë, 40 gazetarë dhe tre qytetarë gazetarë (kryesisht blogerë) janë pengje në botë. Bëhet fjalë për 90 për qind të gazetarëve lokalë, në Siri, mes 22 gazetarëve që mbahen ende të ndaluar nga grupet e armatosura, 16 janë sirianë.
Përveç rrëmbimeve dhe vrasjeve, 178 gazetarë profesionistë dhe 178 gazetarë amatorë janë në burg, një shifër e qendrueshme, 139 janë larguar kryesisht në Siri dhe në Libi, dy herë më shumë se në vitin 2013, 853 janë arrestuar (+3 për qind) dhe 1 846 të kërcënuar (-15 për qind) .
Përsa i përket arrestimeve, dy vende bëjnë pjesë në krye të klasifikimit, Ukraina dhe Egjipti, më pas vjen Irani, Nepali dhe Venezuela..
Sondazhi i ditës:
Anti-berishistët mbledhin firmat për partinë e re, a do të mbështetet?
-
Po
52.5%
-
Jo
37%
-
Nuk e di
10.6%
Vota total: 2709
Votat totale janë unike
Lajme të tjera
-
Dr. Fauci një javë në spital, preket nga virusi i Nilit Perëndimor
24 Gusht, 22:57
-
“PD-të” e reja, sfida mbetet tek privilegjet
24 Gusht, 22:30
-
VIDEO/ E frikshme! Momentet e tmerrit të turistëve shqiptarë në autobus në Korfuz, shoferi lëshon timonin, i binte vetes me grushte e ulërinte
24 Gusht, 22:30
-
Aksident në Gramsh/ Makina del nga rruga, 4 persona transportohen në spital
24 Gusht, 22:19
-
KFOR-i stërvitet me armë të vërteta – monitoron edhe vijën kufitare
24 Gusht, 22:12
-
Fier, arrestohet 38 vjeçari, në 2021 tentoi të vriste emigrantin e sapo kthyer nga Anglia
24 Gusht, 21:57
-
Mero Baze: 'Kurum'-i i shpartallon opozitës, kauzën e mbetjeve toksike
24 Gusht, 21:40
-
ISIS merr përsipër sulmin në Gjermani: Hakmarrje për vrasjen e myslimanëve në Gaza
24 Gusht, 21:31
-
Tiranë, 40 vjeçari qëllohet me kaçavidë në Yzberisht! Policia identifikon autorin, shpallet në kërkim (EMRI)
24 Gusht, 20:55
-
Dëmet kolaterale të perëndimit të Vangjelit
24 Gusht, 20:45
-
U vra sot në Tiranë, Amarildo Hoxhallari në 2015 u arrestua si porositësi i atentatit ndaj Pajtim Serjanit! Në atë kohë mbeti i plagosur miku i Emiljano Shullazit dhe një polic
24 Gusht, 20:38
-
VIDEO/ 'Shapka në mes të rrugës dhe qytetarë të shokuar' Pamjet e para nga 'Astiri' aty ku u vra Amarildo Hoxhallari
24 Gusht, 20:28