POP 5

Lajmet më të lexuara të 5 minutave të fundit

Media

RTSH 330 mijë euro të
shpenzuara në dieta e udhëtime

Radio Televizioni Shqiptar ka shpenzuar në vitin 2013 rreth dy herë më shumë para për dieta e udhëtime, se sa investime në RTSH.
TIRANE- Radio Televizioni Shqiptar ka shpenzuar në vitin 2013 rreth dy herë më shumë para për dieta e udhëtime, se sa investime në RTSH. Gjatë diskutimit të djeshëm në Komisionin e Medias lidhur me raportin vjetor të RTSH-së, deputetët u përfshinë në një debat lidhur me shifrat e shpenzuara për gjatë vitit 2013. Konkretisht,  sipas raportit vjetor, rezulton se përgjatë vitit 2013 ka shpenzuar 45 628 000 lekë në dieta e udhëtime (330 mijë euro) si edhe 2 839 200 lekë për pritje dhe honorare, ndërsa për investime në RTSH janë shpenzuar 57 820 000 lekë.

Kësisoj nga këto shifra rezulton se 74 020 000 lekë janë shpenzuar për dieta për udhëtime, honorare etj, ndërsa një shifër që është rreth 20 milion lekë më pak, ka shkuar për investime. Këto numra ranë në sy edhe në mbledhjen e komisionit ku nënkryetari Alfred Peza, u kërkoi anëtarëve të bordit të RTSH-së sqarime lidhur me këto të dhëna. Por nga ana e bordit të RTSH-së u theksua se paratë për dietat dhe udhëtimet përfshinin edhe udhëtimet e delegacioneve jashtë vendit përgjatë vitit 2013, ku piku ka qenë  gjithashtu gjatë periudhës së fushatës zgjedhore. Nga kjo rezulton se ish-kryeministri Berisha ka marrë me vete një staf të gjerë të RTSH-së në përgatitje dhe transmetimin e fushatës së PD-së, gjë e cila është pasqyruar edhe në listën e shpenzimeve vjetore të RTSH-së.

Debati
Krahas kësaj, Komisioni i Medias u përfshi edhe nga një debat ndërmjet anëtarëve të Bordit Drejtues të RTSH-së dhe deputetëve në Komision. Çështja e politizimit të institucionit u vendos në qendër të vëmendjes ku kryetari i këtij bordi, Agron Tufa, theksoi se largimi i ndikimit të politikës nga televizioni publik është një nismë tejet e vështirë duke e etiketuar me termin “si një parfum që kundërmon kudo”. Por nga ana e tij, nënkryetari i komisionit, Alfred Peza, njëherësh edhe deputet i mazhorancës, theksoi se qeveria nuk do të jap asnjë ndikim politik në këtë televizion. “RTSH është kthyer në një televizion që shihet nga mosha e tretë dhe meshkujt. RTSH duhet t’u kthehet qytetarëve. Ne nuk kemi synim ta përdorim politikisht RTSH”, tha deputeti Peza.

Shkrimi u publikua sot (13.03.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

Itali/ Dita Botërore e Picës, 'Tgcom24' interviston picajolin shqiptar në Brescia, Endrit Rustemin! 34-vjeçari: Majaja dhe mielli shpëtimi im

17 Janar, 22:48