Ruçi pret në takim zv.kryetarin e Komunës së Preshevës: Do punojmë për respektimin e të drejtave të komunitetit shqiptar

Me një dhuratë të veçantë është zhvilluar takimi i kryetarit të Kuvendit, Gramoz Ruçi dhe kryetarit të Partisë Demokratike Shqiptare e njëkohësisht zv.kryetarin e Komunës së Preshevës, Ragmi Mustafa. Ragmi Mustafa i ka dhuruar Ruçit Çertifikatën e Mirënjohjes së Partisë Demokratike Shqiptare për kontributin e tij në mbështetje të të drejtave dhe të ardhmes së shqiptarëve të Luginës së Preshevës. 

Ruçi bën me dije se gjatë takimit është diskutuar për komunitetin e shqiptarëve në Preshevë dhe përpjekjet e partive shqiptare, si edhe të organeve qeverisëse për respketimin e të drejtave të këtij komuniteti.

Ndërsa Mustafa i kërkoi Ruçit që të rritet mbështetja e Shqipërisë dhe Kosovës për shqiptarët e Luginës së Preshevës, ky i fundit ka pohuar se Kuvendi do të jetë gjithmonë në mbrojtje të të drejtave të këtij komuniteti. Por duke theksuar se të njëtën gjë duhet të bëjnë edhe institucionet e Shqipërisë dhe Kosovës.

“Kuvendi i Shqipërisë ka qenë dhe do të jetë na mbrojtje të të drejtave të shqiptarëve të Luginës së Preshevës. Është e rëndësishme që forcat politike dhe organet e qeverisjes vendore në Luginë, pavarësisht dallimeve politike apo për çështje të tjera,  të jenë në koherencë të plotë dhe unitet midis tyre për çështjen kombëtare dhe të drejtat e popullsisë shqiptare në Luginë. Të njëjtën gjë duhet të bëjnë edhe institucionet e Shqipërisë dhe të Kosovës si edhe diplomacia e të dy vendeve”, tha Ruçi. 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

FOTO/ Kanabis me postë nga SHBA, kush janë dy të rinjtë e arrestuar

FOTO/ Kanabis me postë nga SHBA, kush janë dy të rinjtë e arrestuar