Ruçi uron Malin e Zi për Ditën e Sovranitetit: Arritje historike e popullit tuaj, mardhëniet tona forcohen dita ditës

Kryetari i Kuvendit Gramoz Ruçi me anë të një letre kanë uruar homologun e tij malazez Brajovic për Ditën e Sovranitetit. Ruçi thotë se kjo është një arritje historike e popullit malazez, që ishte shteti i 27 i pavaruar i botës në vitin 1878. Më tej kryetari i kuvendit deklaron se Shqipëria dhe Mali i Zi po forcojnë marrëdhëniet dita ditës, ndërkohë që të dy vendet po synojnë të hyjnë në BE.

“Me rastin e  13 korrikut, 142-vjetorit të Ditës së Sovranitetit të Malit të Zi, Ju dërgoj urimet e mia më të ngrohta.  Njohja e Malit të Zi si shteti i 27-të i pavarur i botës më 1878, ishte një arritje e madhe popullit malazez dhe çeli rrugën e sovranitetit dhe konsolidimit të shtetit të ri, të zhvillimit dhe  mirëqenies së popullit malazez.

Republika e Malit të Zi është  sot një vend fqinj, mik dhe partner i ngushtë i Shqipërisë. Marrëdhëniet dhe bashkëpunimi dypalësh janë shumë të mira dhe po zgjerohen e  forcohen dita-ditës.

Aktualisht. Shqipëria dhe Mali i Zi janë në procesin e negociatave të pranimit me Bashkimin Europian. Të dy vendet tona janë në rrugën e drejtë të përpjekjeve për t’u pranuar në familjen europiane. Përparimi i vendeve tona në rrugëtimin europian është një kontribut  edhe për integrimin e Ballkanit Perëndimor dhe një tregues se rajoni ynë është pjesë integrale e qytetërimit europian dhe një vlerë e shtuar e Bashkimit Europian.

Shpreh gjithashtu bindjen se bashkëpunimi i suksesshëm midis Kuvendit të Shqipërisë dhe Parlamentit të Malit të Zi do të rifillojë së shpejti dhe më lejoni të përsëris ftesën time dhe t’Ju ftoj për një vizitë në Tiranë, në një kohë të përshtatshme për Ju.”, shkruan Kryetari i Kuvendit Gramoz Ruçi, në letrën e urimit drejtuar Kryetarit të Parlamentit të Malit të Zi Ivan Brajović.

Ne.k./Shqiptarja.com
  • Sondazhi i ditës:

    Frika nga varianti Delta, a është momenti i vaksinimit me detyrim për kategori të caktuara të popullatës ?

Komento


×

Lajmi i fundit

John

Shtohen infektimet me variantin Delta të COVID në SHBA, ekspertët: Ka aftësi të mëdha ngjitëse dhe përhapjeje