Prej më shumë se tre ditësh Rumania është përfshirë nga protesta të shumta kundër dekretit qeveritar për të shfuqizuar disa raste korrupsioni.

Ndërkohë gjatë ditës së sotme ka reaguar edhe Avokati i Popullit, Victor Ciorbea, i cili është shprehur se do ta dërgojë këtë ndryshim të legjislacionit në Gjykatën Kushtetuese.

“Vendosa t’i drejtohem Gjykatës Kushtetuese për çështje procedure…  si edhe për shkak të pasaktësive në amendamentet e propozuara”, është shprehur Ciorbea.

Ky dekret i qeverisë është kundërshtuar fuqishëm nga qendra e djathtë dhe organizatat joqeveritare.

Ndërkohë masat e ndryshuara nëpërmjet këtij dekreti të qeverisë hynë në fuqi ne datën 10 shkurt.

Redaksia Online
D.T/Shqiptarja.com