POP 5

Lajmet më të lexuara të 5 minutave të fundit

Bota

Rumania dhe Bullgaria bëhen anëtare të plota të Zonës Schengen

Rumania dhe Bullgaria janë bërë edhe zyrtarisht anëtare të plota të Zonës për lëvizje të lirë Schengen, duke iu bashkuar vendeve të Bashkimit Evropian, plus disa shteteve tjera

Rumania dhe Bullgaria bëhen anëtare të plota të Zonës Schengen

Foto ilustruese

Rumania dhe Bullgaria janë bërë edhe zyrtarisht anëtare të plota të Zonës për lëvizje të lirë Schengen, duke iu bashkuar vendeve të Bashkimit Evropian, plus disa shteteve tjera.

Tashmë qytetarët mund të lëvizin lirshëm pa kryer kontrolle të pasaportës.

Fishekzjarrët ndriçuan qiellin në mesnatë në zonën kufitare bullgare, ruse teksa ministrat e Brendshëm të Bullgarisë dhe Rumanisë i kanë hequr simbolikisht barrierat në Urën e Miqësisë mbi lumin Danub.

Kjo pikë kalimi është rrugë e madhe transiti për tregti ndërkombëtare.

“Ky është moment historik", tha kryeministri bullgar, Dimitar Glavchev.

“Nga Greqia në jug, deri në Finlandë në veri, dhe gjithë rrugën për në Portugali, do të mund të udhëtohet pa kufij”.

Kontrollet në kufijtë detarë dhe ata ajrorë janë hequr që prej marsit të vitit 2024 për këto dy shtete, mirëpo kontrollet tokësore kanë vazhduar derisa Austria nuk ka hequr dorë nga një veto që e ka përdorur, meqë ka shprehur shqetësime për mundësinë e rritjes së migrimit të paligjshëm.

Kufijtë në mes të Francës, Gjermanisë, Belgjikës, Holandës dhe Luksemburgut, janë hequr më 1985. Zona Schengen tani mbulon 25 prej 27 vendeve anëtare të BE-së, si dhe Islandën, Lihtenshtajnin, Norvegjinë dhe Zvicrën./Reuters

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Reshjet e dëborës zbardhin Veriun e Shqipërisë, nuk ka vështirësi në qarkullimin e mjeteve

Reshjet e dëborës zbardhin Veriun e Shqipërisë, nuk ka vështirësi në qarkullimin e mjeteve

4 Janar, 09:28