RUSI – Putin i kërkon Netanjahut ndërprerjen e menjëhershme të konfrontimeve ushtarake

MOSKË, 10 korrik /ATSH-AFP/ - Presidenti rus, Vladimir Putin e gjykoi si nevojë urgjente ndërprerjen e menjëhershme të konfrontimeve ushtarake në Rripin e Gazës mes Izraelit dhe Hamasit, gjatë një bisede telefonike me kryeministrin izraelit, Benjamin Netanjahu.
"Biseda, që është përqendruar në degradimin e shpejtë të situatës në Rripin e Gazës dhe në jug të Izraelit, u realizua me iniciativë të kryeministrit izraelit", theksoi Kremlini në një komunikatë.
Më shumë se 800 sulme ajrore janë kryer nga Izraeli në tre ditë duke shkaktuar vdekjen e të paktën 80 palestinezëve dhe qindra civilë të plagosur./
/ec/