Presidenti rus Vladimir Putin ka nënshkruar një ligj që lejon qeverinë të rendisë çdo media të huaj që vepron në vend si agjent i huaj.

Projektligji u pa si hakmarrje për  televizionin kombëtar rus RT, transmetuesin e mbështetur nga Kremlini, i cili u tha të regjistrohej si agjent i huaj në SHBA.

Të paktën nëntë transmetues të financuar nga SHBA, përfshirë Zërin e Amerikës dhe Radio Evropa e Lirë  dhe Radio Liberty, mund të goditen.

RT akuzohet se është pjesë e ndërhyrjes së supozuar të Rusisë në zgjedhjet e SHBA por transmetuesi e ka mohuar këtë akuzë.
rt

Ligji i ri rus ndikon në mediat e huaja të regjistruara, të cilat marrin fonde nga jashtë Rusisë.

Ato tani u nënshtrohen kërkesave shtesë dhe mos përmbushja e tyre mund të rezultojë në pezullimin e aktiviteteve të tyre.

Nëse u kërkohet të regjistrohen, ata do të duhet të thonë në transmetimet e tyre dhe në faqet e tyre se ata janë agjentë të huaj.

Një ligj i ngjashëm tashmë ekziston për bamirësitë dhe grupet e tjera të shoqërisë civile.

Ministria e Drejtësisë e Rusisë tani mund të vendosë se cilat degë i zbatojnë hapat dhe në çfarë rrethanash.

RT tha javën e kaluar se ishte regjistruar si një agjent i huaj në SHBA pas një kërkese nga Departamenti i Drejtësisë.

Masa do të kërkonte që RT të etiketojë çdo gjë që prodhon, duke e bërë të qartë se raportet e tij shpërndahen në emër të shtetit rus. Transmetuesi tha se do të sfidonte kërkesën në gjykatë.

Redaksia Online
a.dr/shqiptarja.com