Rusia dhe Perëndimi ‘përplasen’ për hetimin e sabotimit të tubacionit të gazit Nord Stream, Moska: S’kemi besim

Rusia është përplasur me SHBA-në dhe vendet e tjera perëndimore lidhur me thirrjen e Kremlinit për një hetim të OKB-së për sabotimin e shtatorit të kaluar në tubacionet e gazit Nord Stream 1 dhe 2.

Duke folur në Këshillin e Sigurimit të OKB-së, ambasadori rus i OKB-së Vasily Nebenzia tha se Moska "nuk ka besim" në hetimet e veçanta që po kryhen nga Danimarka, Suedia dhe Gjermania.

Por, ai këmbënguli se "i beson plotësisht" Sekretarit të Përgjithshëm të OKB-së Antonio Guterres për të krijuar një hetim të pavarur ndërkombëtar për shpërthimet. SHBA, Britania e Madhe, Franca dhe të tjerët thanë se hetimet për atë që ndodhi ende po zhvillohen dhe akuzuan Rusinë se e ngriti çështjen për të larguar vëmendjen nga përvjetori i parë i pushtimit të saj.

"Takimi i sotëm është një përpjekje e hapur për të shpërqendruar nga kjo," tha ministri-këshilltari i SHBA-së, John Kelley. "Ndërsa bota bashkohet këtë javë për të bërë thirrje për një paqe të drejtë dhe të sigurt në Ukrainë në përputhje me Kartën e OKB-së, Rusia dëshiron dëshpërimisht të ndryshojë temën."

Përpara takimit, ambasadorët e Danimarkës, Suedisë dhe Gjermanisë u dërguan një letër anëtarëve të këshillit duke thënë se hetimet e tyre kanë vërtetuar se tubacionet ishin dëmtuar gjerësisht "nga shpërthime të fuqishme për shkak të sabotimit". Në letër thuhej se hetime të mëtejshme po kryhen në të tre vendet dhe se është e paqartë se kur do të përfundojnë.  Ai thotë se autoritetet ruse janë informuar për hetimet. Por zëvendësambasadori i Rusisë në OKB Dmitry Polyansky pretendoi se Moska nuk ishte informuar.

Lajmi kryesor:

Lufta në Ukrainë/ Putin nga koncerti në Rusi: Moska po lufton për tokat e saj, të gjithë janë mbrojtës të atdheut! Kreu i Wagner: Kemi nevojë për municione

G.MO/Shqiptarja.com

TAG:
• SHBA
• Joe Biden
• shba-rusi
• lufta ne ukraine