Rusia kushtëzon zbatimin e marrëveshjes së armëpushimit të pjesshëm Rusi-Ukrainë të arritur në arabinë Saudite me ndërmjetësimin e SHBA. Ajo është e gatshme për marrëveshjen e re të armëpushimit për sigurinë e transportit detar në Detin e Zi, vetëm nëse Shtetet e Bashkuara urdhërojnë presidentin Volodymyr Zelenskiy ta respektojë atë.
Ministri i Jashtëm Sergei Lavrov tha në një intervistë televizive se vetëm një urdhër i tillë do të ofrojë garancitë që i duheshin Rusisë.
"Ne do të kemi nevojë për garanci të qarta. Dhe duke pasur parasysh përvojën e trishtuar të marrëveshjeve bilaterale vetëm me Kievin, garancitë mund të jenë vetëm rezultat i një urdhri nga Uashingtoni për Zelenskiy dhe ekipin e tij për të bërë një gjë dhe jo tjetrën," tha Lavrov.
" Mua më duket se partnerët tanë amerikanë e kanë marrë këtë sinjal. Ata e kuptojnë se vetëm Uashingtoni mund të arrijë rezultate pozitive në ndalimin e sulmeve terroriste, ndalimin e shpërthimeve të infrastrukturës civile, infrastrukturës energjetike që nuk ka lidhje me kompleksin ushtarako-industrial."
Komentet e Lavrov treguan se Rusia do të kërkojë një shtrëngim të mëtejshëm me presion amerikan mbi Zelenskin përpara se të nisë zbatimi i armëpushimit detar, për të cilin Uashingtoni thotë se do të ishte një hap i rëndësishëm drejt një armëpushimi më gjithëpërfshirës. Lavrov kërkon garanci edhe për eksportet bujqësore të cilat janë pjesë e marrëveshjes me amerikën.
Një armëpushim I mëparshëm detar në Detin e Zi i kishte lejuar Ukrainës të eksportonte në mënyrë të sigurt gati 33 milionë tonë metrikë grurë, pavarësisht luftës. Moska u tërhoq në vitin 2023, duke thënë se eksportet e saj të ushqimit dhe plehrave u përballën me probleme serioze për shkak të sanksioneve perëndimore që prekin pagesat, logjistikën dhe sigurimet. Lavrov thotë se tregu për drithërat dhe plehrat duhet të jetë "i parashikueshëm".
Sipas tij Rusia nuk mund të pranojë thjesht fjalën e dhënë të Zelenskit, një akuzë që edhe Zelenski shpesh e ccon në drejtim të Putinit. Të martën, shtëpia e bardhë publikoi pikat për të cilat arriti dakordësinë në bisedimet me secilën palë për 3 ditë në riad të arabisë saudite.
Armëpushimi në detin e zi, ndalimi I sulmeve ndaj infrastrukturës energjetike në të dy vendet dhe ndihmë amerikane për rifillimin e eksporteve bujqësore ruse ishin pikat kryesore të informacioneve të shpërndara nga Uashingtoni për marrveshjet e arritura për armëpushimin e pjesshëm me delegacionet e të dy vendeve.
Komente
Lajme të tjera
-
Irani i përgjigjet negativisht letrës së Trump, refuzon negociatat për programin e tij bërthamor
30 Mars, 16:09 -
Kur Evropa zhvendos vëmendjen, çka ndodh me Kosovën?
30 Mars, 16:04 -
Skënder Minxhozi: Të gjuash me gur Evropën që të dëgjojë 'sherifi'
30 Mars, 15:31
-
Pesë fluturime të dyshimta, misteri i dronit rus që “spiunon” mbi qendrën kërkimore të BE
30 Mars, 15:24 -
Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes
30 Mars, 15:11 -
Preç Zogaj: Zvogëlimi i SHBA dhe BE-së është horizonti i tyre
30 Mars, 14:42
-
Fitim Zekthi: Drejtësia i ka bërë dy partitë e mëdha të jenë plotësisht apolitike
30 Mars, 14:01
-
Ursula von der Leyen: Do e kthejmë Ukrainën në një kështjellë çeliku! Putin? Tashmë ka dështuar!
30 Mars, 12:37 -
Presidenti Trump kërcënon sërish: Nuk përjashtoj përdorimin e forcës ushtarake për të marrë Groenlandën
30 Mars, 10:49 -
SHBA/ Avioni rrëzohet mbi një shtëpi në Minesota, humbin jetën të gjithë personat në bord, kamerat kapin momentin e përplasjes (VIDEO)
30 Mars, 10:09 -
VIDEO/ Vetëm dy minuta në fushë, Lionel Messi shënon dhe ngjit Inter Miamin në krye të renditjes
30 Mars, 09:22 -
Pse Deti i Zi është vendimtar për armëpushimin Ukrainë-Rusi
30 Mars, 09:04
