Rusia merr përsipër sulmin në Siri
midis 53 viktimave kishte dhe civilë

Sulmi i djeshëm me raketa nga avionë luftarak në një treg në Siri shkaktoi 53 viktima , dyshohet se mes viktimave kishte njerez civilë dhe fëmijë.

Sulmi u krye në një zonë afër Deir ez-Zor, krahinë që mbahet nën kontroll nga xhihadistët e ISIS.

Raketat e lëshuara shkatërruan tregun dhe disa ndërtesa që mbaheshin nga anëtarët e ISIS.

 Pasditen e djeshme Ministria e Mbrojtes e Rusisë njoftoi se bombarduesit e tyre kanë kryer një sulm masiv ajror kundër Shtetit ISlamik pranë qytetit të Abu Kamalit..

"Gjashtë bombardues me rreze të gjatë, të cilat kanë nisur nga territori i Rusisë dhe fluturuan mbi Iranin dhe Irakun, kanë dhënë një sulm masiv ajror kundër terroristëve të ISIL [emri i mëparshëm i Shtetit Islamik] pranë qytetit të Abu Kamal në krahinën e Deir ez-Zor. Sulmi ajror vuri në shënjestër fortesat e terroristëve dhe vrasjet e fuqisë punëtore dhe automjeteve të blinduara, "tha ministria.

Pajisjet e regjistrimit të të dhënave tregojnë se të gjitha objektivat e përcaktuara janë shkatërruar, tha ministria.

Redaksia Online
a.dr/shqiptarja.com