Rusia mohon me vendosmëri akuzat për bashkëpunim ushtarak me Korenë e Veriut

Rusia mohon me vendosmëri akuzat për bashkëpunim ushtarak me Korenë e Veriut

Maria Zakharova

Moska kundërshton kategorikisht akuzat e Uashingtonit dhe aleatëve të saj për bashkëpunimin e paligjshëm ushtarak-teknik të Rusisë me Korenë e Veriut, tha zëdhënësja e Ministrisë së Jashtme Maria Zakharova.

Zakharova tha në një konferencë për shtyp në Moskë se SHBA-ja e sajoi historinë për bashkëpunimin ushtarak ruso-koreano-verior për ta marrë Korenë e Jugut në anën e saj në luftën kundër Ukrainës.

Zakharova vuri në dukje se zyrtarët ushtarakë të Koresë së Jugut filluan të flasin për ndihmën ushtarake për Kievin menjëherë pasi dolën zëra për bashkëpunim midis Moskës dhe Phenianit.

Ajo tha se SHBA përhap thashetheme për të gjetur burime shtesë për rimbushjen e depove të armëve të Ukrainës dhe për të zhvilluar infrastrukturën ushtarake në rajonin Azi-Paqësor.

“Rusia ka të drejtë të zhvillojë marrëdhënie miqësore me Korenë e Veriut. Bashkëpunimi me këtë vend ka rrënjë historike të kahershme, nuk kërcënon sigurinë e shteteve fqinje dhe është i testuar nga koha", tha Zakharova.

Duke iu kthyer planeve të NATO-s për të mbajtur stërvitjen ushtarake në shkallë të gjerë, “Steadfast Defender 2024”, pranë kufijve rusë, Zakharova i quajti ato si “provokuese”, raportojnë mediat e huaja.

“Ky hap synon qëllimisht të përkeqësojë situatën dhe rrit rreziqet e incidenteve ushtarake dhe, si rezultat, mund të çojë në pasoja tragjike për Evropën", tha Zakharova.

Për muaj të tërë, një grup prej 90 mijë trupash nga 31 vende anëtare të NATO-s dhe Suedia do të qëndrojnë pranë kufijve rusë në territorin nga Norvegjia në Rumani, tha ajo.

“Pala ruse nuk ka plane për të sulmuar vendet e NATO-s”, tha Zakharova.

Zakharova kritikoi gjithashtu pranimin e Suedisë në NATO, i cili mund të ndodhë së shpejti, dhe tha se do të ketë një “efekt jashtëzakonisht negativ” në stabilitetin në Evropën Veriore dhe në rajonin Baltik.

“Braktisja e politikës së gjatë të mos-angazhimit ushtarak dhe bashkimi me radhët e një blloku haptazi armiqësor ndaj Rusisë nuk ka gjasa të forcojë ndjenjën e sigurisë mes suedezëve të zakonshëm”, tha Zakharova.

Rusia do të marrë masa reagimi për shkak të rreziqeve të pranimit të Suedisë në NATO, hapat konkretë do të përcaktohen në varësi të asaj se çfarë sistemesh të NATO-s do të vendosin në Suedi, tha ajo.

Të enjten, ligji i miratuar nga parlamenti turk që miraton anëtarësimin e Suedisë në NATO u botua në Gazetën Zyrtare të Turqisë , duke finalizuar ratifikimin.

Pranimi i një anëtari të ri kërkon mbështetjen unanime të të gjithë anëtarëve të NATO-s dhe Hungaria është tani i vetmi aleat që nuk e ka ratifikuar pranimin e Suedisë.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Finalja Spanjë – Angli, sipas jush kush e fiton Euro 2024?



×

Lajmi i fundit

I nxehti afrikan, evitoni daljet nga ora 11:00 - 18:00! Këshillat që duhet të ndiqni 

I nxehti afrikan, evitoni daljet nga ora 11:00 - 18:00! Këshillat që duhet të ndiqni