Russiagate,Kushner telefonata 
sekrete me ambasadorin rus

Dhëndri i Presidentit të SHBA-së,Jared Kushner ka kontaktuar të paktën 3 herë me ambasadorin rus në SHBA gjatë dhe pas fushatës presidenciale në 2016. Kontakte të tilla nuk janë bërë publike, të paktën kështu raporton Reuters e cila bazohet në deklaratat e dhëna nga 7 zyrtarë apo ish-zyrtarë amerikanë.

Kontaktet përfshijnë telefonata të realizuara gjatë muajve Prill dhe Nëntor të vitit të shkuar.

Që prej nisjes së vitit Kushner është shndërruar në një nga objektivat kryesore të hetimit të FBI-së e cila po merret me cështjen e Russiagate, ndërhyrja e Moskës në zgjedhjet presidenciale.

Kushner u vendos në qendër të FBI  sidomos pas shkarkimit nga detyra të këshilltarit të Sigurisë Kombëtare Michael Flynn i shkarkuar  për shkak se kishte komunikuar me ambasadorin e Rusisë në SHBA.

Informacionet e fundit mbi dy telefonatat, sikurse edhe detaje të tjera të zbuluara nga “Reuters”, hedhin dritë ndaj asaj se kur dhe pse Kushner tërhoqi vëmendjen e FBI-së, ndërsa tregojnë gjithashtu se kontaktet e tij me të dërguarin rus, Sergei Kislyak ishin më të gjera nga sa kishte dijeni Shtëpia e Bardhë.

Por avokati i Kushner Jamie Gorelick shprehet se dhëndri i Trump nuk e mban mend që të ketë patur mes prillit dhe nëntorit  telefonatë me ambasadorin rus Kislyak .

Jared Kushner u detyrua të ndërpriste turin ndërkombëtar ku shoqëronte  presidentin Trump pasi FBI deklaroi se do ta merrte në pyetje për të dëshmuar për ndërhyrjen ruse.

Redaksia Online
e.m/Shqiptarja.com