Sako informon kandidatët për deputet të PS për rindërtimin në Durrës

DURRËS- Kandidatët për deputetë të PS të Durrësit Klodiana Spahiu dhe Keida Ferra si dhe kryetarja e bashkisë së Durrësit Emiriana Sako kanë zhvilluar takime me banorë të lagjeve 5 dhe 6. Në bashkëbisedimin me këta banorë kryebashkiakja Sako i ka njohur me ecurinë e procesit të rindërtimit që po vijon me ritme të larta ndërkohë që ka shpjeguar edhe procesin për pallatet me shkallë dëmi DS4 për të cilët ka nisur puna e riforcimit në 4 pallate dhe për 10 të tjerë janë gati projektet dhe do të nisë gara për kompaninë që do të kryejë punimet.

"Kemi filluar nga puna, ku ndërhyrja bëhet nga shteti, këtë mënyrë ndërhyrje e cakton projekti, ne kemi lidhur kontratën me firmën, janë dorëzuar 10 projektet e para, pastaj firma ka ndërhyrë për të përforcuar objektin, mund të vendosen mure shtesë që mund të rrisin qëndrueshmërinë", tha Sako.

Kryetarja e bashkisë, Emiriana Sako theksoi se procesi i rindërtimit ka patur mbështetjen maksimale të qeverisë dhe të kryeministrit Rama dhe tashmë të gjithë po shohin që Durrësi po ringrihet. Po kështu kryebashkiakja Sako dhe kandidatët socialistë të Durrësit biseduan me qytetarët edhe për investimet e tjera që janë bërë e që do të vazhdojnë të bëhen në qytetin bregdetar e që do ta transformojnë tërësisht Durrësin.

B.K./b.ha./Shqiptarja.com
  • Sondazhi i ditës:

    A e keni të qartë mënyrën se si do të votoni në zgjedhjet e 25 prillit?

Komento


×

Lajmi i fundit

John

COVID-i i merr jetën shkrimtarit, poetit dhe gazetarit në Shkodër