TIRANE- Shefi i Departamentit për të Drejtat e Njeriut në Partinë Demokratike, Ervin Salianji thotë gjatë një interviste për Shqiptarja.com, se opozita do të jetë unike në qëndrimin e saj, për çështje që lidhen me debatin parlamentar.

Sipas tij, vendimi i kryetarit Basha që deputetët, anëtarë të komisioneve parlamentare, të koordinohen dhe të marrin të dhëna nga departamentet, tregon mirëfunksionimin e PD-së dhe bashkëpunimin mes aktorëve dhe faktorëve. Salianji akuzon qeverinë se ka dështuar me reformat ekonomike, duke krijuar një gropë në buxhet prej 160 milionë dollarë, po shkatërron biznese dhe po dhunon qytetarët.