Një përplasje që mund të kishte përfunduar në grushte dhe konfrontim fizik, nëse nuk do të kishte ndërhyrë garda ndodhi në sallën e Kuvendit mes deputetit të PD, Ervin Salianjit dhe atij të PS, Erion Braçes. Salianji iu drejtua Erion Braçes duke i thënë nëse është ai zv.kryeministri që ka dalë nga përgjimet në Itali për çështjen e biznesmenit Rezart Taçi
“Kjo hipokrizia sikur këtu ka disa gra ministre e deputete bëjnë të prekurat për një fjalë që nuk prek askënd, kurse kur km i drejtohet kryetares së parlamentit për mbarimin e fjalës i kthehet. Ka 10-fishuar pasurinë e saj dhe bashkëshortit të saj zonja Bushka. Prandaj del dhe bën këtu si engjëll, por nuk është engjëll. Zotëria, parafolësi im 40 milionë euro me tendera. Ky zotëria që del dhe bën si më i shqetësuari, në përgjimet e prokurorisë italiane, për Rezart Taçin. A je ti zv.kryeministri që del në përgjime. Mos m’u drejto mua si kone se je mësuar me këta ,” tha Salianji.
Por kjo ka sjellë acarimin e Braçes i cili edhe pse po largohej nga Salla është kthyer pas duke iu përgjigjur Salianjit, por kaq është dashur që deputeti demokrat të shkojë të përplaset fizikisht me të, që solli ndërhyrjen e gardës për t'i ndarë. Pas përplasjes kryetarja e Kuvendit ka vendosur 5 minuta pushim dhe me nisjen e seancën bëri të ditur se ndaj Salianjit është vendosur masë disiplinore 'tërheqje vëmendje' .
Pas ngjarjes Braçe e cilësoi Salianjin shpifës që paguhet me para cash për të bërë këtë gjë. Ai tha se me Rezart Taçin nuk ka pasur kurrë kontakt dhe se ai është denoncuesi më i madhe i aferave të ARMO-s.
Nga ana tjetër Salianji tha se nuk e kuptoi 'pse i dogji Braçes' pasi vetëm e pyeti nëse ai kishte dalë në përgjimet italiane për Taçin.
VIDEO/ Pamje nga llozhat e kuvendit
VIDEO/ Kronika e incidentit
Deputeti i PD-së Ervin Salianji sërish ka pyetur deputetin e PS-së Erion Braçe nëse është ai zv.kryeministri i cili ka dalë në përgjimet e prokurorisë italiane.
‘Deputeti i juaj turret për të ardhur në foltore ndërkohë që po flas, nuk e di pse të djeg aq shumë pyetja ishte e thjeshtë...Pse të djeg? A është zv.kryeministri dhe ministrja e Financave në përgjimet e prokurorisë italiane apo apo jo? A është parafolësja ajo që flet dhe bën si e Shenjta Mari kjo duhet parë.... Por nëse është parafolësi që përflitet për para cash, këtë ua provoj edhe tek foltorja tjetër. Dhe meqë jeni për gjykatë ua provoj. Nuk është personale, pse e merr personale!’- tha Salianji.
Pas sherrit fizik, Braçe e ka cilësuar Salianjin si shpifës që paguhet me para cash, ndërsa sqaron se ai kurrë nuk ka pasur lidhje me Rezart Taçin dhe se ai është denoncuesi më i madh i aferave të tij me ARMO-n.
"Me thënë të drejtën etika në këtë sallë veçanërisht ndaj grave mori fund në ditën kur e gjithë urrejtja u derdh mbi një flet votimi kur ishe emri i një gruaja. Rikthejini ato Pamje dhe do sillni se si mori fund etika atë ditë. Së dyti erdha këtu sot për të folur për buxhetin, kisha një qëllim dhe i shkova deri në fund për të folur për bujqit. Nuk akuzova askënd, tani në këtë sallë ka shpifës të dënuar nga gjykata dhe jo shpifës por komplotues në kurriz të nderit të njerëzve . Dokumenti i përgjimit të Rezat Taçit mban datën 18 tetor 2021, unë e zotëroj të plotë dhe atëherë unë nuk kam qenë zv.kryeminitër. Që në shtator ku është betuar qeveria unë kam qenë deputet. Që të jemi të qartë. Ka njerëz që paguhen për të shpërndarë akuza sa te njëri te tjerët dhe do jua provoj që paguhen me cash. O e kam denoncuar unë ARMO-n, o s'ka fol njëri në këtë sallë dhe madje e kam kallëzuar edhe në prokurori. Aty e keni armon varr të hapur të një korrupsioni politike. Uën skam folur kurrë me taçin dhe as jam takuar kurrë me atë njeri" tha Braçe.
Kreu i Grupit Parlamentar të Partisë Demokratike, Alfred Rushaj, ka kundërshtuar vendimin e Kuvendit për ta përjashtuar nga seanca plenare deputetin Ervin Salianji.
"Në atë foltore nuk është lënë gjë pa thënë për të gjithë ne këtu, duke filluar nga Kryeministri dhe të gjithë ne të tjerët. Ju nuk mund të ndëshkoni me masë disiplinore pa hetuar më parë. Të hetohet kush e ka bërë këtë gjë", tha Rushaj.
Lajme të tjera
-
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Ervin Salianji: Rama si Hibatullah Akhundzada! Për kushtetutë imponon karakterin e tij, për qeveri personalitetin e tij
15 Dhjetor, 14:01
-
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57 -
PD përkujton 34-vjetorin e themelimit, Salianji mesazh nga qelia: Do jemi bashkë për të festuar triumfin e së mirës mbi të keqen
11 Dhjetor, 20:18 -
REPLIKAT/ Braçe shpërthen ndaj Lapajt: Fashist i vogël i Berishës, ndal shantazhet! I përgjigjet kreu i ‘Shqipëria Bëhet’: Po më kërcënon
7 Dhjetor, 12:50 -
Ervin Salianji letër nga qelia: Hipokrizia me 8 Dhjetorin, ka festë por s’ka rini!
7 Dhjetor, 11:43
-
Spahiu: Ky është Kuvendi më banal në 100 vjet/ Gra që sillen si burra dhe burra që sillen si gra
5 Dhjetor, 21:34 -
'Kone', Zhupa ofendon Braçen: O Erion t'u rrit boja, sa shumë m** të ha goja! PS braktis Kuvendin në shenjë proteste, mbyllet seanca (VIDEO)
5 Dhjetor, 12:44 -
'Më dukesh si ruse, por nuk je', Braçe i kthehet Zhupës: Mos u lyej me parfum dhe pri thonjtë! Duhet të hetohesh për dezinformim (VIDEO)
5 Dhjetor, 10:46 -
U dënua me 1 vit burg për kallëzim të rremë, Salianji bën rekurs në Gjykatën e Lartë
4 Dhjetor, 16:31
