Deputeti i Partisë Demokratike, Ervin Salianji, pas operacionit të sotëm policor që solli arrestimin e 39 personave në Shqipëri, në kuadër të trafikimit të paligjshëm të emigrantëve drejt Britanisë së Madhe, Kanadasë dhe Shteteve të Bashkuara, e ka nënvlerësuar këtë punë të policisë, duke thënë se ajo është thjesht detyra e saj, që nuk ka asnjë vlerë nëse nuk sjell arrestimin e atij që sipas Salianjit është baroni i krimit teë organizuar: Edi Rama.

Statusi i deputetit në Facebook

Kush do të arrestojë shkaktarin e vërtetë që i ka vendosur shqiptarët mes dy zgjedhjeve? të paguajnë 25 mijë dollarë për pelivanët e vizave që të degdisin nuk dihet se ku apo të paguajnë 25 mijë euro cdo vit për Ramën që ndërsa ia zhvat përditë qytetarëve kursimet dhe borxhet, i lë edhe pa punë, pa spitale, pa siguri.

Duhet ndaluar një herë e mirë jo vetëm matrapazi i vogël që deri sot është favorizuar nga policia, ai që ju merr lekët me premtimin se i hedh në një botë që edhe mund të kenë ndonjë mundësi, por baroni i madh Rama që tërheq vizat dhe pasi zhvat fryn kacek oligarkët shërbëtorë.

Shqipëria e zhytur në korrupsion e krim, në shumicën e qyteteve drejtimi politik i shtetit është në dorën e bandave dhe banditëve.

Qyetarët janë para dilemës të ikin nga Shqipëria duke shitur gjithçka për të bërë 25 mijë dollarë dhe të shkojnë atje ku ndoshta sigurojnë vaktet e ushqimit për familjet apo të rrinë nën hyqmin e krimit dhe fëmijët e gratë ti punojnë si skllevër për 20 mijë lekë dita në trafikime. Më keq akoma të paguajnë me jetën sepse mijëra fëmijë përfundojnë shpërndarës e përdorues drogrash.

Dje policia kapi në flagrancë një dyqanxhi tortash, sot paraqet si super operacion kapjen e një rrjeti shitësash, punë që janë të rëndomta për policinë e shtetit.

Grup i strukturuar kriminal është ai që sjell 180 milion euro kokainë, ai qe kontrollon Durresin, Korçën, Elbasanin, Shkodren, grupe të strukturuar që po copëtojnë dhe bëjnë të pabanueshme Tiranën. Këta i kapni dot?!

s.k/Shqiptarja.com