Sallatë me panxharë

Përbërësit:

  • 2-3 panxharë mesatarë
  • 2 lugë gjelle vaj ulliri
  • 1 lugë gjelle uthull molle
  • 1 thelpi hudhër
  • 1 lugë e vogël majdanoz i grirë
  • Kripë sipas shijes

Përgatitja:

Lajmë panxharët mirë pa ua hequr lëkurën dhe i vendosim të ziejnë në ujë me pak kripë për 40–50 minuta, derisa të zbuten (mund të piqen edhe në furrë në 200°C për rreth 45 minuta). I lëmë të ftohen, më pas i qërojmë dhe i presim në kubikë ose feta. Shtojmë vajin e ullirit, uthullën ose lëngun e limonit, kripën dhe nëse dëshirojmë pak hudhër të shtypur. Në fund shtojmë majdanozin për freski dhe aromë.

Këshilla nga Albana: Nëse e do më të pasur, mund t’i shtosh: pak djathë të bardhë të thërrmuar, një grusht arra të copëtuara ose një lugë kos.