Receta

Sallatë me fasule, e shijshme dhe shumë e shëndetshme nga Ardeta Koçi

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 12 Janar, 11:33 | Përditesimi: 12 Janar, 11:35

Sallatë me fasule

Përbërësit:

1 tas fasule të ziera
2-3 karrota të ziera
1 qepë e kuqe e vogël
1 fk stika pishe
2 kastraveca turshi
70 gr ullinj
4-5 lugë vaj ulliri
2 lugë uthull molle
1 tufë majdanoz
Kripë, piper i zi

Përgatitja:

LEXO EDHE:
Piroshki me mish, receta ruse e piteve të mbushura nga zonja Albana

Fasulet një ditë më parë vendosen në ujë që të zbuten. Të nesërmen i ziejmë, derisa të mos e prishin kokrrën. I kullojmë dhe i marinojmë me kripë. Ndërkohë ziejmë shumë pak karrotat dhe i grijmë në copa. Qepën e presim përgjysmë dhe e grijmë imët në formë gjysmërrethi. Edhe këto i spërkasim me pak kripë. Në një tas të bollshëm i përziejmë të gjitha: fasulet, qepët, karrotat, ullinjtë, kastravecët e grirë, stikat, vajin e ullirit, piperin e zi, uthullën e mollës dhe majdanozin e grirë imët. E provojmë për shijen e kripës dhe e shërbejmë në një pjatancë duke e zbukuruar me gjethe majdanozi.

MC/Shqiptarja.com

TAG: