Receta

Sallatë ruse nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 25 Dhjetor 2023, 12:22 | Përditesimi: 25 Dhjetor 2023, 12:23

Sallatë ruse

Përbërësit:

300 gr majonezë
2 vezë
50 gr bizele
200 gr karrota
500 gr patate
50 gr kastraveca turshi
Panxhar të kuq
Fasule të ziera
Vaj ulliri
Uthull
Djathë kaçkavall
Kripë, piper

Përgatitja:

LEXO EDHE:
Pulë me oriz në furrë nga zonja Albana

Presim perimet në kubikë të vegjël dhe i vendosim të ziejnë (jo shumë, duhet të jenë pak të forta) të veçuara nga njëra – tjetra në ujë të vluar me kripë. Ndërkohë ziejmë vezët dhe i lëmë të ftohen plotësisht. Presim kastravecat turshi në kubikë shumë të vegjël. I bashkojmë të gjitha perimet në një tas, shtojmë kastravecat turshi dhe fasulet, i spërkatim me pak vaj ulliri dhe 1-2 lugë kafeje uthull. Pasi të gjithë përbërësit të jenë ftohur shtojmë majonezën, kripë, piper dhe vezët e prera në kubikë të vegjël. E mbulojmë tasin me letër alumini dhe e lëmë sallatën në frigorifer për të pakten 1 orë.

MC/Shqiptarja.com

TAG: