/ATSH-ANA-MPA/ - Këto zgjedhje janë përcaktuese për të ardhmen tonë dhe të ardhmen e fëmijëve tanë, pasi sot vendosim nëse do të shkojmë përpara me forcë, me siguri apo do të shkojmë drejt aventurës, deklaroi kryeministri grek, Antonis Samaras, menjëherë pas ushtrimit të së drejtës së votimit, në vendin e tij të origjinës, Pilos.

"Në këto zgjedhje ka një numër të madh bashkëqytetarësh që janë ende të pavendosur se për cilën forcë të votojnë. Ata do të përcaktojnë rezultatin. Jam optimist sepse besoj se askush nuk do të verë në rrezik kursin evropian të atdheut tonë. Do të fitojmë", përfundoi Samaras