Samiti G20: Putin dhe Zelensky mund të marrin pjesë virtualisht

Presidenti i Indonezisë Joko "Jokowi" Widodo tha se Presidenti ukrainas Volodymyr Zelensky dhe Presidenti rus Vladimir Putin do të marrin pjesë në samitin e ekonomive më të mëdha të G20 fizikisht nëse kushtet u’a lejojnë atë gjë ose virtualisht.

“Disa ditë më parë, fola në telefon me Presidentin Putin dhe Presidentin Zelensky, dhe ata thanë se do të marrin pjesë fizikisht nëse kushtet lejojnë”, tha sot Presidenti në kanalin YouTube të Sekretariatit Presidencial.

LEXO EDHE:
Rusia veto ndaj rezolutës së SHBA për armët bërthamore

Ai nuk specifikoi kushtin që do t'i lejojë dy liderët e vendeve në konflikt të zbarkojnë në Bali më 15 nëntor 2022, për samitin e nivelit të lartë.

“Po, i kisha pyetur Putin dhe Zelensky. Ata thanë se do të jenë të pranishëm nëse e lejojnë kushtet. Por nëse jo, presidenti Zelensky do të jetë i pranishëm virtualisht”, tha ai.

Deri më sot, ai pretendoi se 17 liderë do të marrin pjesë në G20, duke përfshirë Presidentin e SHBA Joe Biden dhe Presidentin e Republikës Popullore të Kinës Xi Jinping.

G20 kryesohet këtë vit nga Indonezia, e cila organizon samitin më 15-16 nëntor në Bali. Në gusht, Shtëpia e Bardhë deklaroi se Zelensky duhet të jetë i pranishëm nëse Putin është gjithashtu atje.

Vetë Zelensky deklaroi se pjesëmarrja e Ukrainës në samitin e vjeshtës të G20 do të varet nga situata e sigurisë në vend dhe nga përbërja e pjesëmarrësve të samitit.

Lajmi kryesor:

Lufta/ Zelensky: Kërkojmë që marrëveshja e eksportit të grurit të Detit të Zi të zgjatet! SHBA: Do iu mbështesim edhe nëse fitojnë republikanët! Ambasadorja e SHBA-së në OKB mbërrin në Ukrainë

S.S/Shqiptarja.com

TAG:
• vladimir putin
• Indonezi
• ukraine
• Rusi
• Putin