Kancelarja Merkel nuk pret një sukses të shpejtë në zgjidhjen e çështjes së refugjatëve. Në takimin e jashtëzakonshëm të nivelit të lartë të BE për migrimin dhe azilin të dielën (24.06.2018) në Bruksel, Merkeli tha se për këtë arsye ajo synon të arrijë "marrëveshje bilaterale dhe trilaterale me dobi reciproke". Bëhet fjalë si mund ta "ndihmojnë shtete të veçanta anëtare njëra-tjetrën" dhe jo të presin "gjithmonë për të 28 (shtetet anëtare)". Por njëkohësisht synimi mbetet që në fund të arrihen "baza të përbashkëta evropiane".
Me idenë për të mos pritur dakordimin njëzëri të 28 shteteve të BE për çështje të caktuara, me sa duket kancelarja po vë në zbatim propozimin e Gjermanisë dhe Francës, që për të miratuar vendime të caktuara në BE të mjaftojë një shumicë votash. Synimi është që BE të mos bllokohet.
Edhe Presidenti francez, Emmanuel Macron e mbështeti sot idenë e kancelares për të vendosur me shumicë votash. Nëse nuk arrihet marrëveshje me të 28 anëtarët, një grup më i vogël mund të përparojë me trajtimin e kësaj teme. Por çdo zgjidhje për imigrimin duhet të bazohet në të drejtat e njeriut dhe parimet e solidaritetit, ku mbështetet BE, tha Macroni në Bruksel.
Kampe të mbyllura?
Në prag të takimit të sotëm të jashtëzakonshëm për politikën ndaj refugjatëve, Franca dhe Italia janë shprehur për ngritjen e katmpeve të mbyllura, në territorin e BE. Sapo mbërrijnë refugjatët, ata duhet të strehohen në "qendra të mbyllura", u bë e ditur pas takimit dje në Paris të kryeministrit të Spanjës, Pedro Sanchez me Presidentin e Francës, Emmanuel Macron.
Presidenti francez Macron tha se këto qendra do të respektonin kërkesat e Organizatës për Refugjatët të OKB-së, UNHCR. Më tej ai kërkoi "solidaritet financiar" midis shteteve të BE, në mënyrë që kërkesat për azil të përpunohen sa më shpejt. Azilkërkuesit e refuzuar, sipas Macronit, duhet të kthehen në atdheun e tyre dhe "në asnjë mënyrë në vende tranzit". Sipas revistës Spiegel, njëkohësisht Macroni kërkoi solidaritet evropian për pranimin e atyre refugjatëve që kanë të drejtë për azil.
Strehime të mbyllyra për refugjatët deri tani janë përjashtime, pak prej tyre UNHCR i mban në Greqi dhe në Itali. Franca dhe Spanja kërkojnë që këto strehime të ngrihen në vendin, i cili "është më pranë vendit të mbërritjes së refugjatëve" brenda BE. "Kjo është një zgjidhje bashkëpunuese dhe që e respekton të drejtën", tha Macron.
Synimi është kompromisi
Në samitin e sotëm të jashtëzakonshëm për çështjet e azilit, që ka filluar pasdite në Bruksel, marrin pjesë 16 shtete të BE, por jo 12 shtete dhe ndër to jo shtetet e grupit të Vishegradit. Takimi mbahet me kërkesën e Gjermanisë, e cila synon ta zgjidhë me marrëveshje bilaterale me shtetet e tjera rikthimin e refugjatëve në vendin ku janë regjistruar fillimisht.
Por përballë qëndrimit të paepur të qeverisë së re italiane, shpresat e Gjermanisë, sipas Spiegel-it, bazohen si edhe herë të tjera tek pagimi i parave. E përfytyrueshme konsiderohet për shembull që Gjermania të paguajë më shumë para në një buxhet të BE për Libinë, kërkesë e hershme e Italisë. Takimi i sotëm synon të arrijë kompromise, jo zgjidhje. Italia bëri të ditur se do të paraqesë një propozim të ri për migrimin./DW
Lajme të tjera
-
Biseda/ Angela Merkel dhe Mario Draghi, çfarë i bën të mëdhenj këta dy europianë?
13 Dhjetor, 07:44
-
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Angela Merkel intervistë për 'Corriere della Sera': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
“Wir schaffen das”: Jehu i politikës së Merkelit në Ballkanin Perëndimor
27 Tetor, 18:26 -
Skulptura e Angela Merkel e ‘zhveshur’ në dëborë shkakton debat të fortë në Gjermani
20 Janar, 13:51 -
Gjermania në krizë buxhetore: Çfarë është në rrezik
25 Nëntor 2023, 08:29 -
Kina dhe Gjermania më shumë rivalë se sa partnerë
14 Korrik 2023, 09:27 -
Ish-kancelarja Merkel dekorohet me çmimin më të lartë të Gjermanisë, për 16 vitet e saj në krye të vendit
18 Prill 2023, 08:11 -
FOTOLAJM/ ‘Kënaqësi e privilegj’, Rama merr ekspertin e Merkel, do jetë këshilltari i kryeministrit për ekonominë e financat
11 Dhjetor 2022, 14:06 -
Angela Merkel mbron vendimet e saj për energjinë ruse
8 Dhjetor 2022, 09:18 -
Merkel: Nuk kisha 'forcë' politike për bisedime evropiane me Putinin para pushtimit
24 Nëntor 2022, 16:57
