Samiti i G 20:Në favor të tregtisë 
së lirë e kundra proteksionizmit

Samiti i G 20 në Hamurg të Gjermanisë nuk ishte aspak i qetë ndërsa në jo pak raste u shënuan edhe episode dhunë.  

Por pas një nate të mbushur me tension mes policisë dhe manifestuesve në ditën e tij të dytë Samiti edhe një herë konfirmon përgjegjësinë dhe përkushtimin e vendeve pjesëmarrëse në marrëveshjen  për ndryshimet klimaterike, pavarësish faktit se SHBA ka vendosur ta braktisë këtë pakt, i cili synon që të ndëmerren masa për reduktimin e dioksidit të karbonit në atmosferë.

Negociatorët në samitin e G20 në Hamburg po punojnë për një deklaratë të përbashkët ku ndryshimet klimetarike janë çështje e vetme problematike.Sipas zyrtarëve të pranishëm, pjesëmarrësit kanë arritur një pozicion të përbashkët për tregtinë dhe të gjitha vendet janë zotuar ti rezistojnë proteksionizmit.

Kancelarja Angela Merkel  e cila mirëpret këtë samit zhvilloi një mëngjes pune të shtunën me Presidentin rus Vladimir Putin dhe atë të Francës, Emmanuel Macron, ndërsa më herët i kishte cilësuar bisedime e së premtes mjaft të vështira.

Ndërsa bisedimet mes palëve në G20 vazhdojnë, po kështu protesta e dhunshme në Hamburg që u zhvilluan sidomos gjatë natës.

Protestuesit antikapitalistë u ndeshën sërish me policinë deri në orët e para të së shtunës duke shndërruar disa rrugë në Hamburgut thuajse në zona lufte.

Policia gjermane është angazhuar në një seri operacionesh masive për të mos lejuar protestuesit që t’i afrohen ndërtesës së samitit.

Përgëzime për zhvillimin e samitit Merkel ka marrë edhe nga Trump i cilu u shpreh se pavarisht incidenteve puna ka qënë e mrekullueshme. 

Papa :I frikësohem aleancave të rrezikshme në samitin e G20

Lidhur me këtë takim të rëndësishëm të liderëve botëror ka reaguar edhe Papa Francesku i cili shprehu shqetësimin e tij se aleanca të rrezikshme mund të krijohen mes fuqive botërore, fuqi që kanë këndvështrim të shtrembër për botë.
 
Redaksia Online
e.m/Shqiptarja.com