Sanino: Mbështetje për
Avokatin e Popullit

TIRANË - Pas takimeve me krerët e shtetit shqiptar drejtori i zgjerimit në KE, Stefano Sannino ka vizituar sot zyrën e Avokatit të Popullit, Igli Totozani, i shoqëruar nga Ambasadori i BE në Tiranë, Ettore Sequi. Në takim Sannino dhe .Sequi u shprehën se e konsiderojnë Institucionin e Avokatit të Popullit, një institucion shumë të rëndësishëm për zhvillimin e demokracisë në vend, për mbrojtjen dhe promovimin e të drejtave të njeriut dhe si i tille do të gjejë të gjithë mbështetjen nga Bashkimi Europian dhe strukturat e BE-së” – thuhet mes të tjerash në një njoftim të kabinetit të AP-së lidhur me takimin.

(aq/shqiptarja.com)