Sanksionet e SHBA ndaj grupit kriminal serb në veri të Kosovës, Yuri Kim: Ndalni korrupsionin, merrni parasysh pasojat (Mesazh edhe për Berishën?!)

Ambasadorja amerikane, Yuri Kim, ka reaguar pas sanksioneve të SHBA të vendosura ndaj një grupi serb që vepronte në veri të Kosovës. Kim teksa shpërndan deklaratën e DASH, thekson se qeveria amerikane do të intensifikojë hapat për përgjegjësit e korrupsionit. Duket se ky është edhe një mesazh për ish-kryeministrin Sali Berisha. Kujtojmë se ky i fundit është shpallur non grata nga SHBA pasi akuzohet për korrupsion.

"“Përpara Ditës Kundër Korrupsionit dhe Samitit për Demokraci, Thesari i SHBA OFAC lëshoi emërtimet e reja. Pas urdhrit ekzekutiv të Presidentit Biden, qeveria amerikane do të intensifikojë hapat për të mbajtur përgjegjës ata që janë të përfshirë në korrupsion ose minimin e demokracisë. Përcaktime publike të tilla ndonjëherë duan vite për t'u realizuar, por kur ndodhin janë shkatërruese. Nëse jeni të përfshirë në korrupsion apo përpjekje për të minuar demokracinë, tani është koha e duhur për t'u ndalur dhe për të marrë parasysh pasojat".-shkruan Kim.

LEXO EDHE:
SHBA bllokon nismën për anëtarësimin e territoreve palestineze në OKB

Lajmi kryesor:

Financonin politikanët për të fituar zgjedhjet, SHBA sanksione ndaj grupit të Zvonko Veselinoviç! Godet krimin e organizuar serb në veri të Kosovës

TAG:
• SHBA
• kosove
• Sanksione
• grupi kriminal
• Zvonko Veselinoviç