POP 5

Lajmet më të lexuara të 5 minutave të fundit

Receta

Sapuni e bardhë, shije e ëmbël e traditës nga zonja Albana, e lehtë dhe delikate

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Sapuni e bardhë

Përbërësit:

  • 500 ml ujë
  • 250 gr niseshte
  • 300 gr sheqer
  • 250 gr gjalpë
  • 1 filxhan kafeje vaj ulliri

Përgatitja:

Në një tenxhere hedhim gjysmën e sasisë së ujit dhe sheqerin, i trazojmë mirë duke i vënë në zjarr për të marrë valë. Ndërkohë në një enë tjetër tresim niseshtenë në sasinë tjetër të ujit. E përziejmë ngadalë me lugë druri derisa të tretet plotësisht pa krijuar kokrriza. Sapo uji nis të marrë valë hedhim niseshtenë e tretur. Ulim nxehtësinë e sobës dhe e trazojmë shpejt që të mos cignoset në fund. Kur fillon e trashet niseshteja shtojmë vajin dhe gjalpin e tretur. E trazojmë pa ndaluar për gati 10 minuta. Sapunija është gati kur të jetë formuar një masë e tejdukshme që nuk ngjitet tek luga dhe që shkëputet lehtësisht nga anët e tenxheres. Heqim tenxheren nga zjarri dhe marrim një lugë gjelle e cila na shërben për t'i dhënë forma sapunisë (për t'i dhënë formën e duhur në pjatë duhet vepruar shpejt që të mos na ngrijë). Para se të marrim masën e sapunisë, lugën e gjellës e zhysim në një gotë me ujë të ftohtë. Marrim masa të vogla me anë të lugës dhe i vendosim në një pjatë të cekët.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 20/07/2024 02:16

    Kjo quhet dhe hallvasi dhe mund t'a besh vetem me vaj,ose vetem me gjalpe dhe e ngrohte ka shije shume te mire,po kerkon vanilje patjeter brenda qe te mbuloje shijen /pa shije/ te niseshtese,por me mase, se po i hodhe shume i jep shije pak te hidhur dhe siper kur serviret sperkatet me sheqer por vetem duhet kujdes me temp.kur hidhet qe sheqeri te mos lageshtohet.Une e sperkas edhe me shume pak konjak,ose brandy siper,por kjo eshte preference personale.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31