Sarandë,diabeti kërcënon banorët

Një në tre persona rezulton i prekur nga diabeti. Ky është rezultati i një studimi të kryer në një prej laboratorëve klinikë privatë në Sarandë. Sipas mjekut Spiro Kristo i cili drejton një laborator diagnostikues që prej vitit 1996 shprehet se çdo javë të paktën një në çdo tre vetë që diagnostikohen rezulton diabetik. Pacientë informohen për prekjen nga diabeti në çastin kur kryejnë analiza rutinë. Burimet zyrtare nga spitali i Sarandës konfirmojnë se para 20 vitesh kjo sëmundje ka qenë mjaft e rrallë në qytetin e tyre, por që sot tendenca është rritur dukshëm duke u kthyer në kërcënim për persona mbi 30 vjeç. ( Burimi ATSH )