POP 5

Lajmet më të lexuara të 5 minutave të fundit

Kronikë

Sarandë, banorët në Kakome: Tokën e kemi me letra nga koha e Turqisë, tani na e ka rrethuar firma

Disa familje në zonën e Sarandës akuzojnë se edhe pse kanë certifikata pronësie për tokat që kanë në Kakome, ato janë brenda rrethimit të Rivirës dhe nuk mund të hynë në to.

Megjithëse janë pronarë të tokave në Kakome, një pjesë e banorëve të Nivicës nuk mund ti shfrytëzojnë pronat e tyre, pasi shprehen se ato gjenden brenda rrethimit të vendosur nga kompania Riviera Kakome dhe se policia private e cila ruan këtë rrethim nuk i lejon. Banorët e Nivicës kanë tentuar përsëri të shkojnë në pronat e tyre, por ndonëse janë të pajisur me certifikatat mbi pronësinë e tokave të tyre, ata nuk janë lejuar.

Kryetari i fshatit Nivicë shprehet se ende vazhdojmë të besojmë në ligjet e shtetit dhe presim zbatimin e ligjit dhe vendimeve të gjykatave, pasi kompania Riviera Kakome megjithëse pretendon pronësinë në 29 hektarë, ata kanë rrethuar 110. Banoret e Nivicës shprehen se një problem tjetër me të cilin përballen është se Hipoteka e Sarandës nuk po bën regjistrimin e pronës së tyre, pavarësisht se ata kanë gjithë dokumentacionin e duhur. Prej disa muajsh ata kanë aplikuar dhe kanë bërë pagesat e kërkuara në hipotekë dhe megjithëse afati për hipotekimin ka muaj që ka kaluar, ata shprehen çuditërisht hipoteka e Sarandës nuk u ka kthyer asnjë përgjigje.

Kjo ka bërë që banorët të dyshojnë se kjo është pjesë e lojës së kompanisë Riviera Kakome për të gllabëruar edhe pronat e mbetura në Kakome. Banoret e Nivicës kanë prej vitesh që përballen me problemin e tokave në Kakome dhe ende ky problem nuk është zgjidhur. Ata shprehen se këtë betejë do ta vazhdojnë pasi kjo është toka e tyre brez pas brezi... 

Kërkojmë nga drejtësia të na japë pronat tona. Kemi dokumente dhe vendimet e gjykatës. Hipoteka nuk po kthen asnjë përgjigje. Firma Riviera, Ruan Leka, këtu nuk merret vesh kush e ka. Kjo prona ka qenë e jona që nga koha e Turqisë, ka 13 vite që ka ardhur një zotëri me forcë, me policë të shtetit, ngarkojnë makina me hashash dhe kalojnë këtu. Unë kam një tapi të ligjit të sotëm. Këtë tokë e kam ndarë unë dhe e di me sy mbyllur se ku e kanë të gjithë, në bazë të rregullave të shtetit

Banorët në Kakome

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Koli: 28/04/2018 21:12

    Kakomeja !? Histori sellër. Të dy ndertuesi që po investojn jan plehra me er të keqe. Bëjini një tel.kryeministrit dhe shihe pos i vuri fadromat Luan Lekes dhe atij xhuxhit nga vlora.

    Përgjigju
  • Sula: 28/04/2018 19:48

    Drejtohuni zotit kryeminister dhe Agjensise te kthimit te pronave , te pakten te dini se cfar po ndodh me pronen tuaj dhe si eshte privatizuar toka nga firma ne fjale dhe pastaj drejtohuni gjykates . Mire eshte te njoftoni zotin Xhafa si njeri me ndershmeri dhe i afte ne detyre per veprimet e policise ne mbrojtje te furmes Riviera

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu