SARANDË- Një ngjarje e rëndë kriminale dyshohet se fshihet pas një shpërthimi në detin e Sarandës, ku ka gjetur vdekjen një 52-vjeçar i cili po bënte zhytje. Ngjarja është e mbushur plot mister, ndërsa policia po heton edhe për një atentat të mundshëm. Report Tv ka arritur që të mësojë emrin e viktimës, Armandi Nelaj, banues në Sarandë.
Biznesmeni Nelaj, babai i dy fëmijëve, prej 13 vitesh zotëron një kompani, Grand Construction, të mjeteve të rënda të ndërtimit. Burime për Shqiptarja.com bëjnë me dije se një nga pistat e hetimit që po heton policia është se mund të kemi të bëjmë me akt kriminal të mirë planifikuar.
Nelaj ka qenë duke u zhytur në det kur ka gjetur vdekjen si pasojë e një shpërthimi. Fillimisht grupi hetimor dyshoi se kishte shpërthyer bombola e oksigjenit dhe viktima ishte një zhytës i huaj, por tashmë dyshimet janë se ka qenë një shpërthim me tritol për ta eliminuar. Biznesmeni Nelaj është përmendur më herët edhe për një aferë për tjetërsimin e një prone publike, lulishte në qendër të qytetit të Sarandës.
Report Tv solli po ashtu pamjet e sotme të palombarëve të cilët kanë qenë duke kërkuar në det. Disa media online shkruajnë se në thellësinë e detit pranë vendit të ngjarjes janë gjetur copa metalike që dyshohet se i përkasin mjetit lundrues në të cilin dyshohet se ndodhej viktima, megjithatë nuk është arritur të saktësohet se për çfarë mjeti bëhet fjalë. Shpërthimi ka qenë i fuqishëm dhe është dëgjuar edhe nga kalimtarë të rastit, ndërsa ngjarja ka ndodhur pikërisht në orën 22:00 kur gjithë vëmendja ka qenë në ndeshjen Shqipëri – Spanjë.
Viktima u gjet nga dy shtetas të huaj, të cilët udhëtonin me një gomone drejt skafit të tyre. Këta dy persona e kanë nxjerrë menjëherë nga uji dhe e kanë transportuar drejt Portit të Sarandës, ku më pas është marrë nga ambulanca për ta dërguar në spital. Pavarësisht përpjekjeve për ta shpëtuar, biznesmeni nuk ka arritur të mbijetojë.
Identifikimi i tij është arritur të bëhet vetëm pas alarmit të familjarëve në polici të cilët kishin humbur kontaktet me të. Pas denoncimit, familjarët kanë identifikuar 52-vjeçarin përmes një fotoje, pikërisht prej një tatuazhi që kishte në krahun e majtë, pasi koka ka pësuar dëme, duke e bërë të vështirë njohjen. Më pas familja e ka konfirmuar edhe në morg në Tiranë.
VIDEO-Kerkimet e hetuesve
Viktima Armand Nelaj
Identifikohet viktima e shpërthimit të djeshëm në Sarandë. Ai është Armandi Nelaj, 52 vjeç, banues në Sarandë.
Nelaj është biznesmen prej 13 vitesh dhe zotëron një kompani të mjeteve të rënda të ndërtimit.
Policia e Sarandës po heton intensivisht për ngjarjen, teksa është ngritur një grup hetimor i drejtuar nga Prokuroria e Sarandës.
Hetimet janë shtrirë në disa drejtime, përfshirë edhe ato me prapavijë kriminale.
Komente
Lajme të tjera
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09 -
Moti i keq pezullon nisjen e tragetit në Vlorë, mbetet në radë
23 Dhjetor, 08:01
E kane gjetur dy turiste te huaj? Turizmi qe duam.
PërgjigjuGjithë ai shpërthim dhe asnjëri nuk u alarmua, as policia që duam.