VLORË- Kur kanë kaluar 24 orë nga zjarri i cili dogji ndërtesën historike të ish-konsullatës italiane në Sarandë që njihet dhe si “Bar Lulishte Butrinti” ende nuk janë përcaktuar shkaqet e zjarrit, madje policia nuk ka nisur asnjë komunikatë për mediat. Në Sarandë kjo është një çështje shumë e ndjeshme, pasi me djegien e Bar Lulishtes, qyteti ka humbur një monumet kulturor, pjese e identitetit te qyteti, ndaj nga autoritetet kërkohet një hetim i plotë dhe i thellë për shkaqet e zjarrit dhe fajtorët.
“Ka shërbyer si polici, prefekturë, konsullate ne vite te ndryshme. Me vone u be bar Lulishte. Ajo u dogj .. diçka do të bëhet aty. Ne presim nga shteti të hetoje’, thotë një qytetar.
“U bë për kapriço! Humbi një ndërtesë me vlera arkitekurore e historike”, tha nje tjetër qytetar i vjeter i Sarandës.
Godina e djegur dhe lokali janë rrethuar me shiritin skenë krimi, por në zonë nuk shihet asnjë oficer policie apo prokuror. Të vetmit në vendngjarje janë zjarrfikësit të cilët u rikthyen për të shuar flakët që u riaktivizuan kete te shtune ne çatine e drunjte. Burime nga Policia e Sarandës thanë për Report TV se për të përcaktuar nëse është një zjarr i qëllimshëm apo aksidental kanë kërkuar që ekspertizën ta kryejë një grup i specializuar, të cilët pritet të mbërrijnë sot nga Tirana.
Kujtojmë se të premten rreth orës 10:00 zjarri ra fillimisht në lokalin një katësh që në Sarandë njihej me emrin “Totoshi” në pronësi të Viron Papagjikës. Ky lokal ishte jashtë funksionit dhe pronari e përdorte si magazinë. Brenda pak minutash flakët u përhapën në godinën dykatëshe të 'Bar Lulishte Butrinti’.
Ky është momenti fatal kur u dogjën trarët dhe ra çatia dhe një pjesë e godinës.
Dëmet janë të mëdha siç shihet në pamjet e Report tv. Ndërtesa historike që ka shërbyer dhe si konsullatë italiane është shkrumbuar! Studiuesi Auron Tare i cili u gjend atje në momentin kur ra zjarri tha dje ne lidhje direkte për Report TV se forcat zjarrfikëse ndërhynë me vonese dhe nuk kishin kapacitete të mjaftueshme.
Pas denoncimit të tij është pezulluar nga detyra shefi i zjarrfikëses në Sarandë, Nasibi Hasanllari dhe është caktuar Vladimir Kondi. Autorët e zjarrvënies nuk dihen, por ajo që dihet është se ndërtesa e “Bar Lulishte Butrinti” ishte lënë prej vitesh në degradim nga Bashkia e Sarandës. Për studiuesin Auron Tare është e qartë se zjarri është i qëllimshëm për t’i hapur rrugë ndonjë ndërtimi te ri, në zonën më të lakmuar të qytetit bregdetar.
Pema e 'Piperit'
24 orë pas djegies që shkatërroi plotësisht godinën historike në qendër të Sarandës “Bar lulishte Butrinti” ende nuk dihen shkaqet.
Por, flakëve i shpëtoi fatmirësisht Pema e Piperit mbjellë nga duart e Naim Frashërit
Ajo është mbjellë nga vetë shkrimtari rreth viteve 1874-1876.
Komente
Lajme të tjera
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Sarandë/ Vrau burrin, dërgohet në spital psikiatrik 48-vjeçarja
26 Dhjetor, 14:15
-
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital
26 Dhjetor, 10:00 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47
Bar /Lulishtja/ dhe mund te rindertohet sic ishte,ndoshta dhe me e bukur.Rindertime te objekteve historike te demtuara per 100 arsye jane bere ne gjithe boten,por te vjen keq qe pema e Naimit nuk ka asnje pllakat afer qe t'a evidentoje si te tille.
Përgjigju