POP 5

Lajmet më të lexuara të 5 minutave të fundit

Kronikë

Sarandë/Nuk iu bind urdhërit të policisë dhe iku me shpejtësi! 22-vjeçari përplas një efektiv në tentative për tu larguar

Në tentative për t’ju ikur policëve që e kishin sinjalizuar të ndalonte ,një 22-vjeçar ka përplasur një efektiv, teksa i jepte me shpejtësi makinës.

Në tentative për t’ju ikur policëve, që e kishin sinjalizuar të ndalonte një 22-vjeçar ka përplasur një efektiv, teksa i jepte me shpejtësi makinës.

Ngjarja ka ndodhur në fshatin Vrinë, ku shërbimet e Policisë i kanë bërë shenjë ndalimi automjetit që drejtohej nga 22-vjeçari K. M.

Mirëpo, pavarësisht sinjalizimit për të ndaluar, i riu ka shtuar shpejtësinë e automjetit dhe është përplasur me automjetin e një agjenti të krimeve, i cili si pasojë është dëmtuar lehtë.

Uniformat blu janë vënë menjëherë në ndjekje të 22-vjeçarit dhe pas disa minutash, kanë bërë bllokimin e automjetit, si dhe arrestimin e drejtuesit të tij.

Gjatë kontrollit fizik dhe në automjet, të riut iu gjet një sasi të vogël lënde të dyshuar narkotike kokainë, ndërsa gjatë kontrollit në banesën e tij, gjetën 108 fishekë luftarak.

Nga verifikimet e mëtejshme rezultoi se i riu e drejtonte automjetin, pa leje drejtimi dhe pa pasur dokumentacionin përkatës për këtë automjet.

Lënda narkotike, fishekët luftarak dhe automjeti u sekuestruan në cilësinë e provës materiale.

Materialet procedurale i kaluan Prokurorisë Sarandë, për veprime të mëtejshme.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41