Satirë/ Se ky që po ikën,
ka ikur nga mendja (Pjesa e dytë)

Shqiptarja.com publikon pjesen e dytë të vargjeve satirike të poetit të njohur Arben Duka për Ministrin e Mbrojtjes Arben Imami.
 

Pjesa e Parë: Ende halabakët janë në qeveri

Se ky që po ikën, ka ikur nga mendja (Pjesa e dytë)
 
Në vatanin tënë,
Është tendosur gjendja,
AI që po ikën,
Ka ikur nga mëndja
 
Shtëpitë e ushtrisë,
Ti po merr or plak,
Për ta bërë PD-në,
Repart ushtarak
 
Se PD-në në gropë,
E futi behari,
Ndaj ka shumë nevojë,
Për pak shpirt ushtari
 
Këta që Enverin,
Me shpirt e mallkuan,
Depot “me flori”,
Dhe shtëpitë ja duan
 
Këta si vampirët,
Gjithë vendin kanë ngrënë,
Që shesin për pare,
Dhe baba e nënë
 
Qindarkë të mos kem,
Dhe të rroj si murg,
Mos më daltë shpirti,
Pa i parë në burg
 
Pa e parë në burg,
Të gjithë babëzinë,
Mos më daltë shpirti,
Pa parë Drejtësinë
 
Po nuk u karfos,
Gjithë hajdutëria,
S’bëhet që nuk bëhet,
Kurrë Shqipëria
 
Gjithë hajdutëria,
Të mbyllet në vrima,
Po kjo punë i do,
Domosdo ca trima
 
Domosdo ca trima,
Që s’u dridhet syri,
Që ta bëjë në brekë,
Nga frika qafiri
 
Do ta dua Ramën,
Tahirin-Velinë,
Nëse do punojnë,
Veç për Drejtësinë
 
Po punuan ndryshe,
S’do t’i dua kurrë,
Më keq se Saliun,
Do t’i zë “me gurë”
 
Shumë gjëra dhe presin,
Duron vegjëlia,
Po asnjë sekondë,
Nuk pret Drejtësia
 
Këtu duhet nisur,
Çdo gjë nga fillimi,
Mbi padrejtësitë,
Rritet vetëm krimi
 
Do të marri fund,
Durimi i shqiptarëve,
Nëse vendi mbetet,
Pengu i kusarëve
 
Aspak pas qershorit,
Nuk u ra dambllaja,
Se këto dy muaj,
Është bërë hataja

Arben Duka
 17 Gusht, 2013