Scholz dhe Zelensky zhvillojnë bisedë telefonike! Diskutime mbi masat për forcimin e infrastrukturës energjetike të Ukrainës dhe ndihma të tjera

Presidenti i Ukrainës Volodymyr Zelensky dhe kancelari gjerman Olaf Scholz zhvilluan një bisedë telefonike.

Zelensky, në një postim në Twitter tha se ai është në kontakt të vazhdueshëm me Olaf Scholz.

"E informova për rrjedhën e armiqësive, sulmet e reja të Rusisë ndaj civilëve. Falënderoj Gjermaninë për kontributin e madh në mbrojtjen e qiellit dhe kufijve tanë. Mbështeti vazhdimin e nismës së grurit dhe ramë dakord për pozicionet në prag të G20-ës", shkroi Zelensky në Twitter.

LEXO EDHE:
Sulm me dron në portin rus, raportohet për viktima dhe të plagosur

Për më tepër, komunikata e palës gjermane thekson se liderët diskutuan masat specifike për forcimin e infrastrukturës energjetike të Ukrainës dhe mbështetjen e vazhdueshme gjermane për Ukrainën me prioritetet aktuale në fushat e infrastrukturës energjetike dhe mbrojtjes ajrore.

Siç raportohet, qeveria gjermane ka vendosur të ndajë një miliardë euro shtesë nga buxheti i saj për vitin 2023 për të mbështetur Ukrainën. Paratë do të përdoren për të mbrojtur kundër sulmeve kibernetike ruse dhe për të mbledhur prova të krimeve të luftës.

 

Lajmi kryesor:

Lufta në Ukrainë/ Rusia tërheq trupat nga bregu perëndimor! Ukrainasit hyjnë në qytetin Kherson dhe valëvisin flamujt

S.C/Shqiptarja.com

TAG:
• lufta ne ukraine
• rusia sulmon ukrainen