POP 5

Lajmet më të lexuara të 5 minutave të fundit

Bota

Scholz takon Putin: NATO dhe Europa të bashkuar për të zgjidhur krizën mes dy vendeve! Presidenti rus akuzon Ukrainën për gjenocid në Donbas

Kancelari gjerman Olaf Shulz ka deklaruar pas takimit me presidentin rus Putin në Moskë se perëndimi është fokusuar në zgjidhjen e krizës në Ukrainë sado e vështirë që mund të jetë. Edhe presidenti Putin tha se Rusia nuk dëshiron luftë ndërsa akuzoi Ukrainën për gjenocid në rajonin e Donbas. 

Kancelari gjerman Olaf Shulz duke folur nga Moska për krizën në Ukrainë deklaroi se Nato dhe Europa janë të bashkuara që një zgjidhje mund të gjendet, dhe nuk ka rëndësi sesa e vështirë kjo do të jetë. Duke folur në një konferencë për shtyp pas takimit në Kremlin me me presidentin rus Vladimir Putin, Shulz tha se të gjithë ne duhet të tregohemi të matur dhe të përgjegjshëm në veprimet tona dhe se integriteti territorial është i panegociueshëm.

Siguria mund të arrihet vetëm me Rusinë, jo kundër Rusisë. lufta është bërë e paimagjinueshme në Evropë dhe ne duhet të sigurohemi që ajo të mbetet e tillë. Bisedimet nuk duhet të arrijnë në një pikë të vdekur pa kthim

Ndërkaq presidenti Putin tha se Rusia nuk dëshiron luftë dhe ka paraqitur propozime për të negociuar, por sipas tij nuk ka pasur asnjë përgjigje konstruktive ndaj propozimeve të Kremlinit. Gjithsesi ai u shpreh se ka ende çështje të paraqitura nga NATO dhe SHBA që mund të diskutohen.  Putin akuzoi Ukrainën për gjenocid në rajonin e Donbasit.

Po dëgjojmë edhe nga kancelari gjerman Olaf Scholz. Ai thotë se grumbullimi i trupave në kufirin me Ukrainën shihet si një kërcënim dhe është "i pakuptueshëm". Sipas mendimit tonë ajo që po ndodh tani në Donbas është gjenocid,

Putin e konsideroi Gjermaninë si partner kyç të Rusisë. Gjatë ditës ministri i Mbrojtjes së Rusisë bëri të ditur se një pjesë e trupave të vendosura në kufirin me Ukrainën, po tërhiqeshin. Por NATO tha se ende nuk ka asnjë të dhënë se ka filluar deshkallëzimi i pranisë ruse në kufirin mes dy vendeve.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbërori: 15/02/2022 17:13

    Ja se si vrasësi shtirret se është viktim…!

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43