Felipe Scolari është larguar zyrtarisht nga bankina e ekipit kombëtar të Brazilit. Dy humbjet në ndeshjet e fundit në kampionatin Botëror përballë Gjermanisë 7-1 dhe Holandës 3-0 vendosën të ardhmen e Scolarit larg 5 herë kampionëve të botës.

Scolari u kritikua shumë sidomos pas shkatërrimit nga Gjermania. Fillimisht tekniku deklaroi se nuk do të largohej nga Brazili, por pas presionit nga media dhe shanseve pothuajse zero për të rinovuar me Federatën bënë që të largohej. Tashmë Brazili është vendosur në kërkim të një trajneri të ri, ku sipas të gjitha gjasave nuk do të jetë brazilian.


d.b/shqiptarja.com