‘Së bashku mposhtim COVID’ Blinken: SHBA i dhuron Kosovës 500.000 doza Pfizer! Dhurata përfaqëson lidhjet e palëkundura mes njerëzve tanë

SHBA do t’i dhurojë Kosovës 500,000 doza vaksinash Pfizer. Sekretari amerikan i Shtetit, Anthony Blinken thotë se tashmë me këto doza është afruar me 20% qëllimi i vaksinimit. Blinken nënvizon se kjo dhuratë përfaqëson vlerat e përbashkëta dhe lidhjet e palëknudura midis njerëzve të dy vendeve.

‘Sot SHBA dhuroi këstin e parë prej 500,000 doza Pfizer për Kosovën, duke e sjellë atë 20 për qind më afër arritjes së qëllimit të saj të vaksinimit. E dhënë përmes COVAX, kjo dhuratë përfaqëson vlerat e përbashkëta dhe lidhjet e palëkundura midis njerëzve tanë. Së bashku mund ta mposhtim COVID-19.’- shkruan Blinken.

Në Kosovë mbërriti sot kontingjenti i parë i vaksinave Pfizer, donacion nga Shtetet e Bashkuara të Amerikës.

Ky kontingjent prej 35.100 dozash të vaksinës kundër koronavirusit, është në kuadër të donacionit prej mbi 500.000 vaksinave që SHBA-ja do të dhurojë për Kosovën, përmes programit COVAX, që ka për qëllim shpërndarjen e vaksinave për shtetet e varfra.

M.Q./Shqiptarja.com

TAG:
• SHBA
• kosove
• Vaksina Covid
• Anthony Blinken