Pas një seance maratonë dy ditore, Kuvendi mbylli punimet për këtë sesion parlamentar Përpara se të merrnin pushimet, Partia Demokratike dhe Partia Socialiste shfrytëzuan seancën e fundit parlamentare për të miratuar me 106 vota pro ndryshimet në Kodin Zgjedhor për listat, votën e diasporës dhe heqjen e pragut kombëtar për kandidatët e pavarur, ndryshime që erdhën pas një pakti të beftë mes tyre.
Nga radhët e opozitës, vetëm 30 deputetë votuan pro, ndërsa kartonin e kuq në mesin e 140 deputetëve e ngritën vetëm Enkelejd Alibeaj dhe Dashnor Sula. Shumë deputetë të opozitës nuk votuan edhe pse ishin të pranishëm në sallë, mes të cilëve krerët e partive të vogla, Fatmir Mediu, Dashamir Shehi apo Agron Duka.
Votimit, i parapriu një debat i gjatë, veçanërisht për mbyllje e 1/3 të listave, ku shumë deputetë kritikuan se përmes kësaj formule do të dërgohen në parlament vetëm servilët e kryetarëve.
‘U munduam për të realizuar një reformë gjithëpërfshirëse, ku shumë prej jush ishit pjesë madje me të drejta të plota në tryezë por nuk sollët asgjë konkrete, vetëm propozime që forconin pozitën tuaj politike, ose mbijetesë ose në kurriz të grupimeve të ndryshme politike që përfaqësoni në opozitë. Kjo është puna juaj e ne nuk bëhemi palë, por ne ofrojmë si maxhorancë gatishmërinë për kompromis politik në të mirë të Shqipërisë e mbështetje që zgjedhjet e radhës të jenë më të mira.’- tha Gjiknuri.
“Turp turp turp… ! E shkatërruar këtë vend, vrafshi veten. A e dini që nuk do të kemi më listë zgjedhore, por do të kemi 4 lista zgjedhore. Ajka Edi Rama, Ajka Sali Berisha e lista tjetër pas është ajo e servilëve, e lëpirësve e burrave e grave që fatkeqësisht nuk do të jenë më burra por gra" tha deputeti demokrat Dash Sula, i cili votoi kundër.
"Mbyllja e listave nuk është 25% por është 80 – 90%. Nuk është ajo që thoni ju në zgjedhjet e kaluara ka qenë më shumë se 60% e përbërjes së kuvendit që do të ndryshonte nëse do të ishin lista të hapura. Analizoni subject për subject aritmetikën mësoni si ta bëni" tha Mediu.
"Nëse ishit dashnor të listave të hapura hiqni dorë nga mandati dhe lini vendin atyre që morën më shumë vota. Secili prej nesh ka patur deputetë poshtë listave e që kanë marrë më shumë vota. Cilido dashnor i votës ka mundësi të kandidojë si kandidat i pavarur të marrë vota dhe të vijë në këtë sallë' tha Bardhi.
"Me këtë sistem 40 veta së paku do të zgjidhen me votën e drejtëpërdrejtë të shqiptarëve, pa asnjë prag. Mjafton një votë më shumë. Do të garojnë për të fituar shumicën e këtyre 40 vendeve" tha Oerd Bylykbashi.
Lulzim Basha edhe pse ishte një nga zërat më të ashpër kundër këtyre ndryshimeve që sipas tij mbyllin më shumë listat dhe lënë në pushtet Edi Ramën, la sallën në momentin kur ligji do të votohej në tërësi. Pa kaluar shumë orë, njoftoi përmes një deklarate urgjente se do ta dërgojë në Gjykatën Kushtetuese.
“Ekipi i juristëve tanë po vlerëson anti-kushtetueshmërinë e aktit të djeshëm e po përgatit dërgimin e dosjes së Gjykatën Kushtetuese”, tha Basha.
Në seancën maratonë që përmbylli punimet e këtij sesioni, veç kodit zgjedhor u miratuan një sërë ligjesh të tjera. Mes 23 ligjesh, 10 projektvendimeve dhe 16 rezolutave, u miratua ligji për policinë e shtetit, ai për prodhimin e armëve si dhe u miratua raporti i socialistëve për Komisionin Hetimor për rrjedhjen e të dhënave nga sistemi TIMS. Palët nuk gjetën dakordësi për pagat e gjyqtarëve të Gjykatës Kushtetuese, të cilat do të mbeten të pandryshuara.
Lajme të tjera
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Spiropali uron besimtarët për Krishtlindjet: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor, 17:48 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Rriten tensionet te ‘Sheshi Uillson’, Bardhi konfrontohet me Policinë: Po bëni veprime kriminale, po dhunoni deputetët dhe mediat, turp! (VIDEO)
23 Dhjetor, 18:40 -
Bardhi ndjek live nga telefoni fjalimin e Berishës, batutë dhe me Mediun: Ju pritëm sa ju pritëm, filluam pa ju...! (VIDEO)
23 Dhjetor, 17:44 -
Protesta te “Sheshi Uillson”, Bardhi përplaset me Policinë: Po shpërdoroni detyrën, jeni me krimin e organizuar! Pse e zhurmon protestën me megafon! (VIDEO)
23 Dhjetor, 17:31 -
Bardhi përplaset me Policinë: S’kemi ardhur për dhunë, devijoni trafikun! S’do e bëj tubimin në ballkon shtëpie! Policia: Lironi rrugën
23 Dhjetor, 17:17 -
Debate te Konferenca/ Zhupa: Argumenti juaj s’qëndron, Kushtetuesja lejon Komisionet Hetimore! Bardhi: Në vjedhje e populizëm s’ju konkurrojmë dot
23 Dhjetor, 13:44 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57
