Seanca në Kushtetuese për Parkun Kombëtar të Butrintit, Ina Zhupa: Besojmë te standarti i gjykatës por nuk tërhiqemi sido që të jetë vendimi

Seanca në Kushtetuese për Parkun Kombëtar të Butrintit, Ina Zhupa: Besojmë te standarti i gjykatës por nuk tërhiqemi sido që të jetë vendimi

Ina Zhupa

Në Gjykatën Kushtetuese u zhvillua seanca gjyqësore për sa i takon denoncimit të deputetes demokrate Ina Zhupa për dhënien e Parkut Kombëtar të Butrintit për t’u menaxhuar nga fondacioni shqiptaro amerikan AADF.

Para nisjes së seancës, deputetja demokrate, Ina Zhupa deklaroi para institucuionit se shpreson që të merret vendimi i duhur dhe të mbrohen interesat kombëtare. Ajo shtoi se pavarësisht kërkesës së bërë për përjashtimin e 3 gjyqtarëve nga kjo çështje, ka bensim se Gjykata do i qëndrojë standartit të krijuar.

“Nëse Kushtetuesja bën interesat që i interesojnë një shteti tjetër, atëherë Butrinti rrezikon territorin… Butrinti në këtë koncesion cënohet se nuk do jetë më pozita e tij në UNESCO. Rasti që solli Kuvendi, ku tha se në Drezen është ndërtuar pavarësisht që ishte në UNESCO por harroi që pasi ndodhi kjo u hoq nga UNESCO.

Ne kemi besim tek gjykimi kushtetues, pavarësisht kërkesës që kemi bërë për përjashtimin e 3 gjyqtarëve. Besoj se Gjykata do qëndrojë në standardin që ka krijuar vetë. Ne nuk do tërhiqemi dhe do ndjekim çdo hap institucional, brenda dhe jashtë vendit”, u shpreh Zhupa.

Mes debateve të shumta mes opozitës dhe maxhorancës, para disa muajsh kuvendi miratoi me 75 vota pro, 18 kundër dhe 1 abstenim marrëveshjen për menaxhimin e Parkut Kombëtar të Butrintin nga fondacioni shqiptaro-amerikan AADF, në të cilën bën pjesë edhe shteti. 

Marrëveshja synon zhvillimin e Parkut të Butrintit, dhe kthimin e tij në një pikë të rëndësishme turistike. Fondacioni për menaxhimin e Butrintit krijohet në partneritet me Fondacionin jo shtetëror Shqiptaro-Amerikan për Zhvillim (AADF) dhe do të përbëhet nga 5 anëtarë, 2 prej të cilëve nga Ministria e Kulturës, 2 të tjerë nga partneri strategjik AADF, ndërsa një i pestë është arkeologu i huaj britanik Richard Hodges. Kontributi fillestar financiar i partnerit strategjik është 5 milionë dollarë, ndërsa ai i Ministrisë së Kulturës, 2 milionë dollarë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 01/12/2023 10:09

    Ti moj cupe e ke mire per ato qe thua Por partia qe je ti eshte me antikombetare sesa kjo qe eshte aktualisht Prandaj ndrro partin qe te jesh e besushme

    Përgjigju
  • Sondazhi i ditës:

    Në Shqipëri do të prodhohen municione për Ukrainën, si e vlerësoni?



×

Lajmi i fundit

Vetingu largon përfundimisht nga sistemi i drejtësisë gjyqtaren Zeqine Sollaku, bashkëshorten e ish kryeprokurorit Sollaku

Vetingu largon përfundimisht nga sistemi i drejtësisë gjyqtaren Zeqine Sollaku, bashkëshorten e ish kryeprokurorit Sollaku