Sekretari amerikan:Mes SHBA dhe
Rusisë nuk ekziston besimi

Sekretari amerikan i Shtetit, Rex Tillërson, tha se, tani për tani , “nuk ka pothuajse farë besim” midis SHBA dhe Rusisë.

Tillërson përmëndi marrëveshjet për kontrollin e armëve dhe Ukrainën si zona ku, siç tha, Moska “nuk është e dobishme sot”.

Sekretari Tillerson i bëri këto komente për stafin në Departamentin e Shtetit në Uashington, derisa prezantoi të ardhmen e këtij institucioni nën presidentin Donald Trump dhe përballë reduktimeve të  mundshme të buxhetit të tij.

“Po bëjmë disa përpjekje për të stabilizuar fillimisht marrëdhëniet midis SHBA-së dhe Rusisë. Ushtruesi i detyrës së zëvëndessekretarit të Shtetit, Thomas Shannon është duke udhëhequr përpjekjet e një grupi punues, për të parë nëse mund t’i adresojmë disa gjëra që irritojnë marrëdhëniet, që na e bëjnë të vështirë të bisedojmë me njëri-tjetrin”, tha Tillërson.

Më tej ai tha se planifikon të diskutojë për bashkëpunim në zgjidhjen e konfliktit në Siri me homologun e tij rus, Sergei Lavrov, në margjina të një mbledhje të Këshillit Arktik në Alaskë, më 10-11 maj.

Tillërson po ashtu tha se SHBA është duke përgatitur sanksione të reja kundër Koresë së Veriut në përgjigje të programit të vazhdueshëm bërthamor të Phenjanit.



Redaksia online
D.M/Shqiptarja.com