Sekretari i Përgjithshëm i NATO-s, Jens Stoltenberg, ka informuar se këtë të enjte ka zhvilluar biseda telefonike me presidentin e Serbisë Aleksandër Vuçiç dhe kryeministrin Ramush Haradinaj rreth konstatimeve të përftuara nga takimi i të së mërkurës të ministrave të Jashtëm të NATO-s për gjendjen e Ballkanit Perëndimor.
Ai u shpreh se Beogradit dhe Prishtinës iu ka theksuar se duhet të tregojnë gjakftohtësi dhe përmbajtje, si dhe të shmangin çfarëdo deklarate apo veprim provokativ.
“Gjatë bisedës me Haradinajn ngrita shqetësime për planin për transformimin e Forcës së Sigurisë së Kosovës në një ushtri. Ia theksova se një veprim i tillë është i papërshtatshëm dhe kundër këshillave të shumë aleatëve të NATO-s dhe mund të ketë pasoja në perspektivën e Kosovës për integrim euro-atlantik. Kam përsëritur se mandati i Forcës së Sigurisë evoluon dhe NATO duhet të shqyrtojë nivelin e angazhimit me Forcën e Sigurisë së Kosovës”, tha Stoltenberg, transmeton "Telegrafi".
Stoltenberg bëri me dije se me presidentin Vuçiç ka folur edhe rreth nevojës urgjente që të ulen tensionet midis vendit të tij dhe Kosovës.
“Ua kam rikujtuar të dyve se dialogu i ndërmjetësuar nga BE midis Beogradit dhe Prishtinës duhet të mbetet e vetmja mënyrë për të sjellë paqe dhe stabilitet të qëndrueshëm në rajon. NATO mbetet e angazhuar për sigurinë dhe stabilitetin e Kosovës, përmes misionit paqeruajtës të KFOR-it të mandatuar nga OKB-ja”, u shpreh më tej sekretari i Përgjithshëm i NATO-s.
Në përmbylljen e djeshme të takimit të ministrave të Jashtëm të vendeve anëtare të NATO-s, Jens Stoltenberg paralajmëroi Prishtinën se nëse FSK-ja do të transformohet në ushtri, do të përballet me pasoja serioze.
Ndërsa paraditen e sotme, kryeministri Ramush Haradinaj tha se procesi i transformimit të FSK-së është proces i brendshëm, në përputhje të plotë me Kushtetutën dhe u shpreh gjithashtu se për këtë cështje qeveria e Kosovës ka zhvilluar biseda intensive me të gjitha palët e interesuara.
Lajme të tjera
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Politikani serb paralajmëron ikjen e Vuçiçit nga Serbia: Do të veprojë si Assadi
19 Dhjetor, 09:29 -
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
Shqipëria dërgon ushtarë në komandën e NATO-s për të trajnuar forcat e Armatosura të Ukrainës
18 Dhjetor, 18:08
