Në letrën e dërguar Senatit, Tillerson shprehet se antarësimi i Malit të Zi në NATO, është në interes të Shteteve të Bashkuara të Amerikës dhe të rajonit.
Sipas agjencisë së lajmeve "Reuters", që ka publikuar letrën e cila mban datën 7 mars, Tillerson shkruan se anëtarësimi me të drejta të plota në NATO i Malit të Zi, do të sillte integrim, reforma demokratike, siguri dhe stabilitet edhe për shtetet fqinje.
"Pjesëmarrja e Malit të Zi në Samitin e NATO në maj si anëtar i plotë dhe jo si vëzhgues, do të përcjellë sinjale të qarta për unitetin transatlantik", shkruan Sekretari amerikan i Shtetit.
Antarësimi i Malit të Zi në NATO është kundërshtuar nga partitë kryesore të opozitës në vend, si dhe nga Rusia, e cila akuzohet nga autoritetet e Malit të Zi si mbështetëse e një gushti shteti i cili u arrit të zbulohej pak orë përpara fillimit të procesit zgjedhor.
Redaksia Online
D.T/Shqiptarja.com