Sekrete marinimi /Brinjë derri të skuqura në tigan në verë të bardhë nga zonja Albana

Brinjë derri të skuqura në tigan në verë të bardhë

Përbërësit:

• 1 kg brinjë derri
• 250 ml verë të bardhë
• Rozmarinë për shije
• Trumzë për shije
• 2 thelpinj hudhër
• Kripë, piper i zi
• Vaj ulliri ekstra i virgjër
• Fara susami

Përgatitja:

I rendisim brinjët në një enë pjekjeje dhe i aromatizojmë me rozmarinë, trumzë, thelpinj hudhre dhe pak piper. I spërkatim me gjysmë gote verë të bardhë, më pas i mbulojmë dhe i lëmë të marinohen në frigorifer për 2 orë.

Në një tigan të madh, ngrohim pak vaj ulliri, shtojmë brinjët e derrit dhe i skuqim mirë nga të gjitha anët. Shtojmë pjesën tjetër të verës së bardhë, vendosim kapakun dhe i lëmë të ziejnë për 25 minuta në zjarr mesatar. Në fund të zierjes shtojmë kripë dhe i shërbejmë me pak fara susami përsipër.

MC/Shqiptarja.com

TAG:
• zonjaalbana
• Brinje derri te skuqura me vere te bardhe
• sekrete marinimi
• shije
• recete e shpejte