Sekuestrohen në portin e Durrësit 150 mijë euro dhe 164 mijë paund! Ishin fshehur në kabinën e kamionit, arrestohet shoferi (EMRI)

DURRËS – Një sasi e konsiderueshme parash, 150 mijë euro dhe 164 735 paund britanik janë sekuestruar në portin e Durrësit. Kjo shumë e madhe dyshohet se ishte përfituar si rezultat i veprimtarisë kriminale dhe po tentohej të futej në Shqipëri pa u deklaruar.

Paratë ishin fshehur në kabinën e kamionit të drejtuar nga Dritan Hallkokondi, i cili ka rënë në prangat e policisë.

“Në bashkëpunim me Policinë Kufitare të portit Durrës dhe Sektorin për Hetimin e Krimeve Ekonomike e Financiare në DVP Durrës, kanë organizuar dhe finalizuar operacionin policor të koduar “Shuma”, në kuadër të të cilit u kalua për kontroll të detajuar, në vijën e dytë, kamioni që drejtohej nga shtetasi D. H., 53 vjeç, banues në Tiranë, i cili udhëtonte nga Italia për në portin e Durrësit”, njoftoi policia.

LEXO EDHE:
Nënën mund ta zëvendësojë edhe ujkonja, po shoqërinë nuk e zëvendëson dot kush

Operacioni u realizua nga Departamenti i Policisë Kriminale, në bashkëpunim me Policinë Kufitare të portit Durrës dhe Sektorin për Hetimin e Krimeve Ekonomike në Drejtorinë Vendore të Policisë Durrës.

Operacioni vijon në vazhdën e operacioneve të tjera të zhvilluara muajt e fundit, për goditjen e tentativës për futjen në Shqipëri, të shumave të mëdha të parave në euro e paund dhe të tentativave për të futur kontrabandë naftë dhe mallrat të tjera për të cilat paguhet akcizë.

Në bashkëpunim me Prokurorinë vijon puna për zbardhjen dhe dokumentimin e plotë të këtij rasti, identifikimin dhe kapjen e poseduesit/sve të këtyre shumave të parave në euro dhe në paund.

Materialet i kaluan Prokurorisë, për veprime të mëtejshme, për veprat penale “Mosdeklarimi në kufi i të hollave dhe i sendeve me vlerë”, “Fshehja e të ardhurave” dhe “Pastrimi i produkteve të veprës penale ose veprimtarisë kriminale”.

A.M./Shqiptarja.com

TAG:
• Dritan Hallkokondi
• porti i durresit
• Durres