POP 5

Lajmet më të lexuara të 5 minutave të fundit

Kronikë

Selaniku i hap rrugë ekstradimit
të Arben Frrokut drejt Shqipërisë 

Biznesmeni Arben Frroku, akuzuar për vrasjen e kryekomisarit Dritan Lamajt, dhe Jak Jaku dolën sot para Gjykatës së Selanikut. Gjykata, vendos ta lërë 40 ditë në paraburgim. Interpol Tirana publikon online fotot e Arben Frrokut dhe Jak Jakut. Frroku nga Selaniku: Rama s’më ka kandiduar për deputet (Foto Arben Frroku duke dalë nga Gjykata)
Kur degjeneroi konflikti disavjeçar mes Lamajt dhe Frrokut?
Policia greke: Ja si i arrestuam Frrokun e Jakun
Burg Jakut për armë pa leje, Frroku i vetmi i akuzuar për vrasjen e Lamaj
Vrasja dhe arrestimi autorëve brenda 24-orësh
TIRANE - Arben Frroku, biznesmeni i akuzuari për vrasjen e kryekomisar Dritan Lamaj ka dalë sot para togave të zeza në Gjykatën e Selanikut, ku është njohur me akuzat që rëndojnë ndaj tij. Vetë Frroku nuk ka pranuar autorësinë e vrasjes së Lamajt, ndërsa Gjykata e Selanikut, bazuar në kërkesën për ekstradim nga Shqipëria, ka vendosur ta lërë 40 ditë në paraburgim të dyshuarin kryesor të drejtësisë shqiptare. Frrokut i është komunikuar “urdhri ndërkombëtar i arrestit të Interpolit për akuzën e vrasjes në Shqipëri”.

Avokati i Frrokut ka kërkuar lirim të menjëhershëm nga burgu pasi sipas tij, klienti i tij është i pafajshëm, ndërsa Gjykaya ka vlerësuar të ligjshëm arrestin në flagrancë ndaj Arben Frrokut dhe Jak Jakut duke i hapur rrugë procedurave të ekstradimit për llogari të drejtësisë shqiptare, ku për dy të ndaluarit është dhënë masë arresti në mungesë. Arben Frroku u ndalua më 25 shkurt në Selanik së bashku me Jak Jakun, një ditë pas vrasjes së komisarit Dritan Lamaj.

FRROKU: RAMA S'ME KA KANDIDUAR PER DEPUTET
Ndërkohë, në një prononcim për median ai ka mohuar deklaratat e zëdhënësit të Ministrisë së Brendshme i cili dje u shpreh se Arben Frroku kishte lidhje të ngushta me liderin e opozitës e deputetët e tij, madje Rama, (sipas ministrisë) i kishte propozuar se do ta kandidonte për deputet.

“Rama s’më ka kandiduar për deputet jam kristiandemokrat”, -është shprehur Frroku sot paradite para se të hynte në gjykatën e Selanikut.

Policia e Selanikut deklaronte se Arben Frroku ishte ndaluar në Greqi pas një kërkese zyrtare nga pala shqiptare pasi kërkohej për vrasjen e një komisari të lartë të Policisë së Shtetit Shqiptar, duke iu referuar ish-shefit të komisariatit numër 6 Dritan Lamaj.

Policia greke me pas thekson se personi tjetër i arrestuar 31- vjeçari Jak Jaku akuzohet nga pala shqiptare vetëm për armëmbajtje pa leje. Ndërkohë që në momentin e arrestimit iu gjetën dhe një sasi lëndësh narkotike duke ngritur akuzën ndaj tij për posedim të lëndës narkotike.

INTERPOL TIRANA PUBLIKON ONLINE FOTOT E JAK JAKUT DHE ARBEN FRROKUT
Interpol Tirana ka publikuar në faqen e saj zyrtare fotot e Arben Frrokut dhe Jak Jakut si persona të shpallur në kërkim. Fotot e tyre janë shoqëruar dhe me akuzat përkatëse. Nga Arben Frroku është ngritur akuza e vrasjes, ndërsa ndaj Jak Jakut ajo e armëmbajtes pa leje. Nga një vëzhgim i gazetarit të TV A1 REPORT! Arsen Rusta deri pasditen e djeshme këto foto nuk kanë qenë të publikuara, si persona të shpallur në faqen zyrtare online të interpolit. Gjithashtu ai shton se kjo do të shërbejë si provë për Gjykatën e Selanikut ku do të kërkohet dhe ekstradimi.


jaku jaku faqja interpolit
(Në foto Jak Jaku, faqja e interpolit)

frrok frroku interpoli
(Foto: Arben Frroku i shpallur në kërkim nga Interpoli)

Redaksia Online
(sg/a.r/Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03