POP 5

Lajmet më të lexuara të 5 minutave të fundit

Sociale

Sëmundja ‘pesta amerikane’ shfaros kolonitë e bletëve! Bletërritësi: Autoriteti i Veterinarisë asnjë ndihmë për kurimin! Ligji i bletarisë veç në letër

Bletët janë prekur nga sëmundjet ngjitëse, ndër to “pesta amerikane” që ka shfarosur me qindra koshere në Fier. Bletërritësi, Ferdinand Muskaj, një ndër prodhuesit më të mëdhenj të mjaltit tha për Report TV se përballë kësaj sfide janë të vetëm, pasi Autoriteti i Veterinarisë, nuk i ka ndihmuar për mjekimin e bletëve. Po kështu me shqetësim shprehet se Ligji i Bletarisë, miratuar vjet nga Parlamenti ka mbetur në letër, pasi Ministria e Bujqësisë nuk ka hartuar aktet nënligjore. 

‘Pesta amerikane’, një sëmundje ngjitëse që prek vezët e bletëve ka zhdukur koloni të tëra bletësh duke u shkaktuar bletërritësve humbje të mëdha financiare veçanërisht gjatë vitit 2024.

Një prej bletërritësve më të mëdhenj në Fier, Ferdinand Muskaj pohon për mikrofonin e  Report TV se në mungesë të veterinereve të specializuar për bletarinë, bletërritësit janë gjendur në vështirësi për trajtimin e kësaj sëmundje.

“U shfaq tek bletët një sëmundje “pesta amerikane” që solli humbjen e kolonive. Bletërritësit nuk e nuk dinin si ta kuronin. Për fatin tonë të keq nuk kemi mjek veterinar që i njeh bletët”, tha Ferdinand Muskaj, bletërritës.

 

Muskaj sqaron se kosheret e infektuara me këtë sëmundje duhen djegur pasi nuk ka trajtim specifik gjë që shumë bletarë e nuk e dinë. Po kështu një sëmundje tjetër e rrezikshme për bletët është ajo e nozemës.

Muskaj i cili ka të matrikulluara 500 koshere ka pohuar se ky sektor përballet me vështirësi të shumta pasi edhe ligji për bletarinë nuk ka funksionuar dhe nuk u ka ardhur në ndihmë konkrete bletërritësve.

“Ligji është miratuar por nuk funksionon sepse ministria nuk ka nxjerr aktet nën ligjore. I bëj thirrje Ministrisë së Bujqësisë dhe Autoritetit të Veterinarisë të krijojnë një ekip dhe tu vijnë në ndihmë bletarëve”, tha Muskaj.  

 

Përballë kësaj situate bletërritësi i bën apel Ministrisë së Bujqësisë t’i vijë në ndihmë këtij sektori me masa parandaluese dhe njëherazi informacione për trajtimin e sëmundjeve të ndryshme të bletëve.

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?

Lajme të tjera



×

Lajmi i fundit

Ndarja nga jeta e Margarita Xhepës, Meta: Humbje e pazëvendësueshme, e vuri artin në shërbim të kauzave sociale dhe kombëtare

Ndarja nga jeta e Margarita Xhepës, Meta: Humbje e pazëvendësueshme, e vuri artin në shërbim të kauzave sociale dhe kombëtare

3 Prill, 14:04