POP 5

Lajmet më të lexuara të 5 minutave të fundit

Kronikë

Sensibilizim i ulët në Gjirokastër për kancerin e gjirit! Mjeku: Rriten rastet e grave me kancer gjiri, pandemia shton frikën për kontrolle

Tetori është muaji i sensibilizimit për kancerin e  gjirit, por duket se në Gjirokastër sensibilizimi nuk është kryer si duhet. Numri i grave që shkojnë për të bërë mamografinë është i ulët, thonë mjeku Ermir Mahilaj në intervistë për Report Tv. Nga ana tjetër ai bën thirrje që të mos shmangen kontrollet, duke marrë parasysh faktin se kjo sëmundje po njeh vetëm rritje.

Numri i grave që shkojnë për të bërë mamografinë në spitalin e Gjirokastrës është i ulët. Duket se frika nga pandemia i mban ato larg ambienteve spitalore, edhe pse depistimi për kancerin e gjirit është i domosdoshëm.

“Meqenëse është kohë pandemie numri i ekzaminimeve ka qenë relativisht i ulët, kanë filluar të bëhet sensibilizimi kryesisht në institucione. Reparti i Mamografisë, ka rreth 2 -3 vjet që është instaluar. Pjesëmarrja e grave ka munguar pasi sensibilizimi nuk ka qenë shumë i mirë", u shpreh mjeku imazherist Ermir Mahilaj

Nëse i referohemi shifrave në 15-ditëshin e parë të Tetorit, që është muaj sensibilizimi për këtë sëmundje, kanë kryer kontrollin vetëm 32 gra.

"Numri i ekzaminimeve për muajin tetor deri në këto momente shkon rreth 30- 32 raste, nga këto ka edhe gra që bëjnë edhe rikontrollin e përvitshëm. Janë ndjekur disa  masa të cilat vazhdojnë edhe në kuadër të sensibilizimit. Kanë filluar të bëhen njoftime në institucione etj", tha Mahilaj.

Në intervistën për Report Tv mjeku tha se nga viti në vit, numri i rasteve me kancer të gjirit në të gjithë rajonin e Gjirokastrës është në rritje.

"Në këto 3 vite në Gjirokastër,  numri i rasteve me kancer  të gjirit ka ardhur duke u shtuar nga viti në vit dhe kjo falë ekzaminimit të menjëhershëm, dhe kryesisht ekzaminimeve të tjera falë bashkëpunimit dhe me Drejtorinë e Spitalit. Ka pasur një shtesë të numrit të personave të cilët kanë marrë shërbimin tonë ka pasur një numër në rritje", tha ai.

Në Qarkun e Gjirokastrës, si pasojë e kancerit të gjirit, në pesë vitet e fundit kanë humbur jetën 120 gra por kjo shifër mund të jetë më e lartë numër mund të jenë më i lartë, për shkak se shumë prej tyre nuk janë depistuar në Tiranë apo jashtë vendit.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

'Ça do më bësh', përplasje e fortë mes Lart Vasilit dhe G-Banit: I pafe, njeri i errësirës

'Ça do më bësh', përplasje e fortë mes Lart Vasilit dhe G-Banit: I pafe, njeri i errësirës

26 Dhjetor, 13:55