Sequi në ditën e vullnetarizmit:
Mundësi të barabarta për këdo

Në ditën ndërkombëtare të vullnetarizmit është çelur ekspozita me fotografi "Ne jemi vullnetarë", e organizuar nga shoqata "Përtej barrierave", me fotografi te marra nga evente të ndryshme që kanë zhvilluar vullnetarët përgjatë vitit 2011.

Në fjalën e hapjes së ekspozitës ishin të pranishëm personalitete të larta të vendit si: Ambasadori i Delegacionit të Bashkimit Europian, Ettore Sequi, Nën Kryetari i Bashkisë së Tiranës, Edmond Panariti, si dhe zv.Ministri i Integrimit, Edmond Hoxha.

Ambasadori i BE-së në vendin tonë, Ettore Sequi, tha se: “Jam i lumtur që fokusi kryesor i vullnetarëve është asistenca ndaj personave me aftësi të kufizuar. Të gjithë duhet të kemi të drejtën për mundësi të barabarta. Europa është këtu për t’iu ndihmuar. Ajo që duhet të bëni është të keni një shpirt luftarak për të vazhduar këtë punë të mirë me solidaritet”,- deklaroi ambasadori Sequi.