Serbët heqin një prej
barrikadave në Jagnjenicës

Pas Marrëveshjes së arritur ndërmjet kryetarit të Zubin Potokut, Slavisha Ristic, dhe përfaqësuesve të KFOR, serbët kanë filluar të heqin barrikadën në Jagnjenicë.

KFOR-i do të largojë po ashtu makinat e saj me të cilat bllokohej rruga e njëjtë, ndërsa aty do të instalohet një punkt i përbashkët kontrolli me policinë lokale të Kosovës. Ristic ka thënë se barrikada e tretë e ngritur nga serbët në rrugët dytësore të Jagnjevicës do të qëndrojë dhe se serbët do të rrinë aty.

"Ramë dakord që KFOR-it të largohet nga rruga, që trafiku të funksionojë, e kur të lirohet rruga, ata do ta instalojnë një pikë kontrolli. Ky ishte kushti i tyre, ndërsa kushti jonë ishte që bashkë me ta kontrollin e trafikut ta kryej policia lokale nga stacioni i Zubin Potokut. Ata e kanë pranuar këtë variant, ndaj do të hiqen makinat që janë shkatërruar gjatë aksionit të KFOR-it të para një jave”, ka thënë Ristic.